ថ្នាំញៀនចំនួន១០ថង់ស្មើរនិង១៩៧០គ្រាប់ត្រូវបានកម្លាំងជំនាញនៃការិយាល័យនគរបាលប្រយុទ្ធប្រឆាំងគ្រឿងញៀនខេត្តបាត់ដំបងបានធ្វើការការឃាត់ខ្លួននិងដកហូតនៅវេលាម៉ោង៥និង៣០នាទីព្រឹកថ្ងៃទី២០ខែកញ្ញាឆ្នាំ២០១១នៅបន្ទប់លេខ៦របស់ផ្ទះសំណាក់យីហោឯកភ្នំ ស្ថិតភូមិព្រែកមហា ទេព សង្កាត់ស្វាយប៉ោ ក្រុងបាត់ដំបង។
ជនសង្ស័យមានឈ្មោះ និត ផា ហៅនុតភេទស្រីអាយុ៥០ឆ្នាំរស់នៅភូមិតាគ្រោះ ឃុំត្រែង ស្រុករតនៈមណ្ឌល។ជនសង្ស័យខាងលើគឺជាមុខសញ្ញាចែកចាយគ្រឿងញៀនដ៏សកម្មហើយជាយូរឆ្នាំណាស់មកហើយរហូតដល់កម្លាំងជំនាញស្រាវជ្រាវដឹងច្បាប់ក៏ចេញកម្លាំងដើម្បីធ្វើការបង្ក្រាបតែ ម្ដង។ តាមចម្លើយសារភាពរបស់ជនសង្ស័យបានអោយដឹងថាថ្នាំញៀនទាំងអស់នេះត្រូវបាននាំយកមកពីខេត្តស្ទឹងត្រែងដើម្បីយកមកជួញដូរចែកចាយនៅក្នុងក្រុងបាត់ដំបងដោយទិញមកក្នុងមួយថង់តម្លៃ៣៥០ដុល្លារនិងលក់វិញ១ថង់តម្លៃ៤៥០ដុល្លារ។បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕
និយមរ័ត្ន
ពីគេហទំព័រ៖ កម្ពុជាថ្មី
No comments:
Post a Comment
yes