សាស្ត្រាចារ្យជនជាតិអង់ គ្លេសម្នាក់បានស្លាប់នៅឯមន្ទីរពេទ្យបង្អែកខេត្តកាលពីវេលាម៉ោង៧យប់ថ្ងៃទី១៩ កញ្ញា ២០១១ ដែលក្រុមគ្រូពេទ្យ និងសមត្ថកិច្ចជំនាញអះអាងថា ស្លាប់ដោយសារខ្យល់គរដែលបណ្តាលមកពីផឹកស្រវឹងជោកជាំដល់កម្រិតមិនអាចសង្គ្រោះបាន។
លោកជា ឆេង ប្រធានការិយាល័យនគរបាលបច្ចេកទេសវិទ្យាសាស្ត្រនៃស្នងការដ្ឋានខេត្តបានប្រាប់ថា បុរសជនជាតិអង់គ្លេសនោះឈ្មោះ FLINT JOHNDAVID អាយុ៥០ឆ្នាំ ជាសាស្ត្រាចារ្យបង្រៀននៅសាកលវិទ្យាល័យបញ្ញាសាស្ត្រកម្ពុជាខេត្តបាត់ដំបង កាន់លិខិតឆ្លងដែនលេខ៧០៤៩៤៧០៦ មានភរិយាជនជាតិខ្មែរ ឈ្មោះគៀល កុក អាយុ២៨ឆ្នាំ រស់នៅភូមិដំបូកខ្ពស់ ឃុំ អូរដំបង២ ស្រុកសង្កែ ។
តាមការបំភ្លឺពីក្រុមគ្រូពេទ្យថា បុរសជនជាតិអង់គ្លេសនេះត្រូវគេបញ្ជូនចូលមន្ទីរពេទ្យបង្អែកខេត្តនៅម៉ោង៦និង២០នាទីល្ងាចថ្ងៃទី១៩ កញ្ញា ក្នុងស្ថានភាពសន្លប់បាត់បង់ស្មារតី ប៉ុន្តែមានក្លិនស្រាហួង ។ ប្រភពពីគ្រូពេទ្យដដែលថា ក្រុមគ្រូពេទ្យបានព្យាយាមសង្គ្រោះបន្ទាន់ ប៉ុន្តែជាងកន្លះម៉ោងក្រោយ ជនបរទេសរូបនេះបានស្លាប់ដោយមិនអាចជួយសង្គ្រោះបានឡើយ ៕
ពីគេហទំព័រ៖ កោះសន្តិភាព
No comments:
Post a Comment
yes