ជនកំណាចម្នាក់ត្រូវបានប៉ូលិសព្រហ្មទណ្ឌខេត្តសហការជាមួយប៉ូលិស ព្រហ្មទណ្ឌស្រុកចាប់ខ្លួនកាលពីវេលាម៉ោង១២ថ្ងៃត្រង់ថ្ងៃទី៤ តុលា នៅក្នុងផ្ទះរបស់ខ្លួនភូមិត្រពាំងពោធិ៍ ឃុំពាំងល្វា ស្រុកឧដុង្គ តាមដីការបស់លោកកែវ សុធា ព្រះរាជអាជ្ញាអម សាលាដំបូងខេត្តចុះថ្ងៃទី៣ តុលា ពីបទរំលោភរួចសម្លាប់លើស្ត្រីម្នាក់ឈ្មោះចិន ស្រីម៉ិច អាយុ២៦ឆ្នាំ កាលពីថ្ងៃទី១៨ កញ្ញា វេលាម៉ោង១៨និង៣០នាទីកន្លងទៅ ។
តាមព័ត៌មានពីមន្ត្រីប៉ូលិសព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តបានឱ្យដឹងថា ឈ្មោះអ៊ូច សំអុល អាយុ៥១ឆ្នាំ ប្រពន្ធឈ្មោះចិន ច្រឹប អាយុ៣៨ឆ្នាំ មានកូន៣នាក់ ក្នុងបន្ទុក ។ ជននេះមានលំនៅក្បែរផ្ទះជនរងគ្រោះរលងតែផ្ទះមួយខ្នងប៉ុណ្ណោះដែលសាក្សីបានបង្ហាញនិងមានវត្ថុតាងចោទប្រកាន់ដាក់បន្ទុកទៅលើជនល្មើសគ្រប់គ្រាន់ពុំអាចប្រកែកបាន ។ ក្រោយពេលការរំលោភសម្លាប់ជនរងគ្រោះរួច ជនកំណាចនេះបានគេចខ្លួនរហូត ។
តាមសាក្សីបំភ្លឺថា ជននេះជាកសិករនិងជាគ្រូមន្តអាគមផង ដែលកន្លងមកអ្នកភូមិនិយាយថាជនល្មើសមានប្រពន្ធចំនួន៥នាក់មកហើយ តែងតែទៅរស់នៅជាមួយប្រពន្ធតាមលេខរៀង ទីបំផុតចាប់រំលោភស្ត្រីហើយសម្លាប់ដោយប្រើឧបករណ៍មុខស្រួចចាក់បំពង់កចំនួន៣កន្លែង វាយថ្គាមស្តាំបាក់ដោយឈាមស្រែកស្បែកហៅ ក៏ត្រូវអស់លក្ខណ៍ ៕
ពីគេហទំព័រ៖ កោះសន្តិភាព
No comments:
Post a Comment
yes