Wednesday, October 5, 2011
បុរសវ័យក្មេងចាក់ និងអារ.កសម្លាប់សង្សារក្នុងផ្ទះសំណាក់ចាប់ខ្លួនបានហើយ គឺ សម្លាប់ព្រោះប្រច័ណ្ឌ
បុរសជាប់សង្ស័យជាឃាតកវ័យក្មេងដែលអារ.ក និងចាក់សម្លាប់នារីសង្សាររបស់ខ្លួននៅក្នុងបន្ទប់ផ្ទះសំណាក់មួយកន្លែងស្ថិតក្នុងសង្កាត់ទន្លេបាសាក់ ខណ្ឌចំការមន កាលពី២ថ្ងៃកន្លងមកនេះត្រូវបានសមត្ថកិច្ចប៉ូលិចចាប់ឃាត់ខ្លួនហើយនៅវេលាព្រឹកថ្ងៃទី៥ តុលា ២០១១ នេះ បន្ទាប់ពីបើកការស៊ើបអង្កេតយ៉ាងដុតដៃដុតជើង និងមានកិច្ចសហការល្អពីម្ចាស់ផ្ទះសំណាក់ ហើយប៉ូលិសបានព្យាយាមទំនាក់ទំនងអន្ទងជននេះឱ្យចូលអន្ទាក់តែម្តង។
បុរសជាប់សង្ស័យជាឃាតកនេះឈ្មោះស៊ីហ្សាម៉ារ៉ូ អាយុ២០ឆ្នាំ ស្នាក់នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ ចំណែកនារីរងគ្រោះឈ្មោះហៃ ស្រីទូច អាយុ២៣ឆ្នាំ ស្នាក់នៅផ្ទះលេខ១A ផ្លូវលេខ២០០៤ សង្កាត់ទឹកថ្លា ខណ្ឌសែនសុខ ជានិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ត្រូវសង្សាររបស់នាងនាំយកទៅសម្រាកក្នុងផ្ទះសំណាក់មួយស្ថិតក្នុងសង្កាត់ទន្លេបាសាក់ ខណ្ឌចំការមន លុះក្រោយពេលលង់លក់ស្រួលបួលហើយ បុរសនោះក៏ចាក់ពោះនាងច្រើនកាំបិត និងអារ.កសម្លាប់តែម្តង ហើយបង្កឱ្យមានការភ្ញាក់ផ្អើលយ៉ាងខ្លាំង នាវេលាម៉ោង៦ល្ងាចថ្ងៃទី៣ តុលា ២០១១។
នៅលើរាងកាយសពនារីរងគ្រោះគេពិនិត្យឃើញមានស្នាមចាក់ច្រើនកាំបិត និងអារ.កដាច់បំពង់ក ដែលគេសន្និដ្ឋានថា ជនដៃដល់អាចចាក់នារីជាសង្សារជាមុនសិន ប៉ុន្តែខ្លាចនាងមិនស្លាប់ ក៏អារ.កបន្ថែមទៀត។ ជនជាប់សង្ស័យស៊ីហ្សាម៉ារ៉ូ បានសារភាពថា ខ្លួនពិតជាបានស្លាប់នាងមែន ព្រោះខឹងនាងមានទាក់ទងប្រុសៗច្រើន ពោលគឺខ្លួនប្រច័ណ្ឌនាងតែម្តង។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព ៕
ពីគេហទំព័រ៖ កោះសន្តិភាព
Subscribe to:
Post Comments (Atom)
No comments:
Post a Comment
yes