ជនត្រូវចោទគឺលោក PLEISCH WALTER EUGENE ភេទប្រុសអាយុ៦១ឆ្នាំជនជាតិអាមេរិករស់នៅរដ្ឋកាលីហ្វ័រនីញ៉ាប្រើប្រាស់លិខិតឆ្លងដែនលេខUSA467042601និងឈ្មោះ ចាន់ សុធា ហៅអ៊ុក ហៅង្វៀងធីយ៉ិន ភេទស្រីអាយុ៤៨ឆ្នាំជនជាតិវៀតណាមមានមុខរបរជាចុងភៅមានស្រុកកំណើតនៅខេត្តអាងយ៉ាងមានទីលំនៅក្នុងប្រទេសកម្ពុជាផ្ទះលេខ១១០ភូមិព្រែកតានូ សង្កាត់ចាក់អង្រែលើ ខណ្ឌមានជ័យ ជនទាំងពីរជាប់ចោទពីបទលក់ចែកចាយគ្រឿងញៀនខុសច្បាប់។
ពាក់ព័ន្ធនិងការចោទប្រកាន់របស់ក្រុមប្រឹក្សាតុលាការក្រុមជនជាប់ចោទបានបដិសេធថាពួកគេមិនមានការពាក់ព័ន្ធនិងគ្រឿងញៀនដែលសមត្ថកិច្ចរកឃើញនោះទេផ្ទុយទៅវិញគ្រឿងញៀនទាំងនោះពួកគេបានទិញពីអ្នកដ៏ទៃដើម្បីយកមកប្រើប្រាស់ផ្ទាល់ខ្លួន។
រឿងក្ដីនេះប្រធានក្រុមប្រឹក្សាជំនុំជំរះបានលើកយកមកប្រកាសសាលក្រមនៅល្ងាចថ្ងៃទី១៧ខែតុលាឆ្នាំ២០១១ខាងមុខនេះ។
គួររំលឹកថាកាលពីថ្ងៃទី១៥ខែកុម្ភៈឆ្នាំ២០១១វេលាម៉ោង១៥រសៀលនគរបាលប្រឆាំងគ្រឿងញៀនដឹកនាំដោយព្រះរាជអាជ្ញាអមតុលាការបានសំរុកចូលផ្ទះរបស់ឈ្មោះ ង្វៀង ធីយ៉ិន ហើយឃាត់ខ្លួនលោក PLEISCH WALTER EUGENE និង ង្វៀង ធីយ៉ិន សមត្ថកិច្ចបានដកហូតថ្នាំញៀនពណ៌ផ្ទៃមេឃ២២គ្រាប់ ថ្នាំពណ៌ឈាមជ្រូក៣៥គ្រាប់ ថ្នាំគ្រាប់ពណ៌ប្រផេះ៣គ្រាប់ម្សៅពណ៌ពណ៌ផ្កាឈូក៣កញ្ចប់ ម្សៅពណ៌ផ្ទៃមេឃ១កញ្ចប់ ម្សៅពណ៌លឿង១កញ្ចប់ ម្សៅពណ៌ស១កញ្ចប់ ថ្នាំគ្រាប់ពងអង្ក្រង១គ្រប់ ដុំម្សៅពណ៌ស១កញ្ចប់ ម្សៅម៉ត់១កញ្ចប់ ជញ្ជីងអេឡិចត្រូនិក១គ្រឿង និងឧបករណ៍ប្រើប្រាស់និងសំបកវេចខ្ចប់គ្រឿងញៀនជាច្រើនទៀត៕
ពីគេហទំព័រ៖ កម្ពុជាថ្មី
No comments:
Post a Comment
yes