នៅព្រឹកថ្ងៃទី០៥ខែតុលាឆ្នាំ២០១១លោកមេបញ្ជាការកងរាជអាវុធហត្ថខេត្តបន្ទាយមានជ័យបានថ្លែងប្រាប់អ្នកសារព័ត៌មានថាសមត្ថកិច្ចរបស់លោកបានតាមដានយ៉ាងសំងាត់អំពីសកម្មភាពជនទុច្ចរិតដែលបានចរាចរប្រាក់ដុល្លារក្លែងក្លាយនៅតាមព្រំដែនកម្ពុជាថៃត្រង់ចំណុចច្រកអន្តរជាតិប៉ោយប៉ែត។
លោក រ័ត្ន ស្រ៊ាង បានបន្តថាប្រាក់ដុល្លារក្លែងក្លាយទាំងនោះមានចំនួន៤២៧១០០ដុល្លារបានដឹកជញ្ជូនចរាចរចូលមកក្រុងប៉ោយប៉ែតក្នុងគោលបំណងចែកចាយនិងប្ដូរទៅជាប្រាក់រៀលប្រាក់បាត។ ប៉ុន្តែដោយសារកម្លាំងសំងាត់បានអោយព័ត៌មានទើបយើងទប់ស្កាត់បានទាន់ពេលវេលាហើយបានចាប់ខ្លួនជនប្រព្រឹត្តចំនួន៥នាក់មានថៃ២នាក់និងខ្មែរ៣នាក់។
គួរបញ្ជាក់ថាសកម្មភាពបង្ក្រាបនោះធ្វើឡើងកាលពីវេលាម៉ោង១និង៤៥នាទីថ្ងៃទី៤ខែតុលាឆ្នាំ២០១១នៅចំណុចភូមិក្បាលស្ពានមួយ សង្កាត់ប៉ោយប៉ែត ក្រុងប៉ោយប៉ែត ដែលធ្វើឡើងដោយកងរាជអាវុធហត្ថខេត្តបន្ទាយមានជ័យសហការជាមួយកងរាជអាវុធហត្ថក្រុងប៉ោយប៉ែត។វត្ថុតាងដែលរឹបអូសបានមានដូចជារថយន្តកាមរីពណ៌សមួយគ្រឿង រថយន្តឡង់គ្រីស័រពណ៌ប្រផេះមួយគ្រឿង និងប្រាក់ដុល្លារក្លែងក្លាយចំនួន៤២៧១០០ដុល្លារ៕
ពីគេហទំព័រ៖ កម្ពុជាថ្មី
No comments:
Post a Comment
yes