លោកស្រី Aung San Suu Kyi អំពាវនាវឲ្យសហគមន៍អន្តរជាតិ
ត្រួតពិនិត្យសភាពការណ៍ប្រទេសភូមា។ រូបភាពដោយ ABC។
លោកស្រី Aung San Suu Kyi មេដឹកនាំប្រជាធិបតេយ្យនៅភូមាបានបញ្ជាក់ឲ្យដឹងថា លោកស្រីមិនទាន់ជាជឿជាក់ទាំងស្រុងថារដ្ឋាភិបាលភូមាថ្មីបច្ចុប្បន្ននេះមានការយកចិត្តទុកដាក់ខ្លាំងដល់ការធ្វើកំណែទម្រង់ទេ នៅក្រោយពេល៦ខែនៃការបញ្ចប់ភាពដឹកនាំដោយយោធានោះ។
លោកស្រីបានមានប្រសាសន៍ថា លោកស្រីចង់ឃើញកង់នៃលទ្ធិប្រជាធិបតេយ្យវិលទៅមុខឲ្យបានពីរបីជុំទៀត មុននឹងលោកស្រីធ្វើការសម្រេចចិត្តថាតើរដ្ឋាភិបាលពិតជាបានដើរទៅកាន់លទ្ធិប្រជាធិបតេយ្យមែនឬយ៉ាងណា។
លោកស្រី Suu Kyi បានមានប្រសាសន៍បន្ថែមថា រដ្ឋាភិបាលភូមាត្រូវតែបង្ហាញឲ្យឃើញនូវការផ្លាស់ប្ដូរនានាប្រកបដោយខ្លឹមសារ។
កាលពីសប្ដាហ៍មុន ប្រធានាធិបតីភូមាបានផ្អាកជាបណ្តោះអាសន្ននៃគំរោងទំបន់វារីអគ្គិសនីដែលគាំទ្រខាងហិរញ្ញវត្ថុដោយប្រទេសចិន បន្ទាប់ពីមានការប្រឆាំងពីសាធារណជនមកនោះ៕
ពីវិទ្យុ អូស្រ្តាលី
No comments:
Post a Comment
yes