យោងតាមសៀវភៅរាជកិច្ច ចុះថ្ងៃទី ៧ ខែកញ្ញាកន្លងទៅ លោកនាយករដ្ឋមន្ត្រី ហ៊ុន សែន បានចុះហត្ថលេខាផ្តល់ដីតំបន់ជម្រកការពារសត្វព្រៃបឹងពែរទៅ ឲ្យក្រុមហ៊ុនឯកជនឈ្មោះ ពូ ឃួច អភិវឌ្ឍន៍គ្រុប ក្នុងទំហំ ៣៥០ហិកតាដើម្បីយកទៅអភិវឌ្ឍវិស័យកសិ-ឧស្សាហកម្ម ដាំដើមកៅស៊ូ និងចិញ្ចឹមសត្វ។
លោក ធឹក គ្រឿងវុត្ថា រដ្ឋលេខាធិការក្រសួងបរិស្ថានបានថ្លែងឲ្យដឹងថា មុននឹងរដ្ឋាភិបាលចេញអនុក្រឹត្យផ្តល់ដីសម្បទានសេដ្ឋកិច្ចនោះ ទៅឲ្យក្រុមហ៊ុនឯកជន មន្ត្រីបានចុះទៅធ្វើការស្រាវជ្រាវរួចហើយថា តើកន្លែងណាគួររក្សាទុកធ្វើជាដីតំបន់ការពារ និងទី ណាអាចផ្តល់ឲ្យក្រុមហ៊ុនឯកជនបាន។ លោកបញ្ជាក់ថា៖ «បើរដ្ឋាភិបាលផ្តល់ឲ្យក្រុមហ៊ុនឯកជននិងប៉ះពាល់ដល់តំបន់អភិរក្ស លោកត្រូវតែកាត់វាចេញ»។
លោក គង់ សម្បត្តិ អនុប្រធានដែនជម្រកការពារសត្វព្រៃបឹងពែរបានថ្លែងថា ការអភិរក្សនិងអភិវឌ្ឍ តែងមានការប៉ះពាល់ តែលោកមិនអាចនិយាយបានទេ ព្រោះរដ្ឋាភិបាលត្រូវការផ្តល់ទៅ ឲ្យអ្នកវិនិយោគ។
លោកបានបន្ថែមថា តំបន់បឹងពែរស្ថិតនៅព្រំប្រទល់ខេត្តចំនួនបី គឺខេត្តព្រះវិហារ សៀមរាប និងកំពង់ធំ ហើយមានផ្ទៃក្រឡាសរុប ២២៥ ពាន់ហិកតា។ បច្ចុប្បន្ននៅក្នុងខេត្តព្រះវិហារ មានក្រុមហ៊ុនចំនួន៥ ទទួលបានដីសម្បទានសេដ្ឋកិច្ច ដើម្បីធ្វើការអភិវឌ្ឍដាំដើមកៅស៊ូជាដើម។
លោក ជុត វុទ្ធី ប្រធានអង្គការការពារធនធានធម្មជាតិបានថ្លែងថា លោកនាយករដ្ឋមន្ត្រី ហ៊ុន សែន គួរឈប់ផ្តល់ដីសម្បទានសេដ្ឋកិច្ចដល់ក្រុមហ៊ុនឯកជនទៀត ព្រោះតំបន់បឹងពែរពុំមែនជាព្រៃ រងការកាប់បំផ្លាញទេ។
លោក អ៊ិត ណូឌី អនុរដ្ឋលេខាធិការក្រសួងបរិស្ថានមិនអាចទាក់ទងបានទេពីថ្ងៃអង្គារ៕ CR
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes