ផ្សារហ៊ុនអាស៊ី និងមុខទំនិញនានាបានធ្លាក់ចុះក្នុងថ្ងៃទី៣ហើយ ស្របពេលរូបិយវត្ថុបែរជា លោតឡើងខ្ពស់ដែលមិនធ្លាប់មានក្នុងរយៈពេល២ឆ្នាំ ព្រោះដោយសារក្តីបារម្ភចំពោះវិបត្តិប្រាក់ បំណុលកាន់តែធ្ងន់ធ្ងរ។ មានតែប្រាក់អឺរ៉ូដែលធ្លាក់ថ្លៃដល់បាតដែលមិនធ្លាប់មានក្នុងមួយទសវត្សនេះបើធៀបជាមួយប្រាក់យ៉េន។
ផ្សារហ៊ុនអាស៊ីប៉ាស៊ីហ្វិក MSCI ធ្លាក់ចុះ ១,៥ភាគរយគិតត្រឹមម៉ោង៣រសៀលនៅទីក្រុង តូក្យូប្រទេសជប៉ុន។ វាជាកំរិតធ្លាក់ចុះទាបបំផុតដែលមិនធ្លាប់មានតាំងពីខែកក្កដា ឆ្នាំ២០០៩។ ចំណែកផ្សារហ៊ុនអឺរ៉ុបEuro Stoxx 50 ធ្លាក់ចុះ ១,៨ភាគរយ ។ ឯផ្សារហ៊ុនអាមេរិក Standard & Poor 500 ធ្លាក់ចុះ០,៦ភាគរយ ក្រោយពីការធ្លាក់ចុះបន្តអស់ពីរថ្ងៃមកនោះ។ ចំណែកតំលៃនៃវត្ថុធាតុដើមធ្លាក់ចុះ០,៣ភាគរយ ពីក្រោយតម្លៃស្ពាន់ដែលធ្លាក់ចុះនោះ។ តម្លៃប្រាក់អឺរ៉ូនាពេលនេះ ប្តូរបាន១០០,៧៦យ៉េនក្នុងមួយអឺរ៉ូ ធ្លាក់ពីមួយអឺរ៉ូបាន១០១,២៩យ៉េន។
ក្រុមហ៊ុនGoldman Sachs Group Inc បានកាត់បន្ថយការព្យាករការកើនឡើងនៃសេដ្ឋ កិច្ចពិភពលោក ហើយប៉ាន់ប្រមាណថា ប្រទេសបារាំងនិងអាល្លឺម៉ង់នឹងគ្មានការរីកចំរើនផ្នែកសេដ្ឋកិច្ចឡើយ។
កិច្ចប្រជុំរដ្ឋមន្ត្រីហិរញ្ញវត្ថុអឺរ៉ុបកាលពីថ្ងៃទី៣ តុលា គឺដើម្បីរំលឹកពីបច្ចេកទេសដើម្បី ដំណើរការកិច្ចព្រមព្រៀងជួយប្រទេសក្រិចលើកទី២តែវាបានបន្ថែមក្តីកង្វល់ដល់អ្នកកាន់រូបិយវត្ថុក្នុងដៃថា នឹងអាចទទួលរងគ្រោះថ្នាក់នៃការខាតបង់កាន់តែខ្លាំងដោយសារវិបត្តិប្រាក់បំណុល ជាតិ។ អ្នកនាំចេញជាអ្នកនាំមុខក្នុងការខាតបង់នៅអាស៊ី បន្ទាប់ពីរបាយការណ៍ពីក្រុមហ៊ុនផលិតរថយន្ត បង្ហាញថា វាមានសភាធ្លាក់ចុះជាងការព្យាករណ៍ក្នុងការលក់ចេញនៅអាមេរិកខាងជើង។
អ្នកវិនិយោគផ្តោតការយកចិត្តទុកដាក់លើបញ្ហាប្រាក់បំណុលអឺរ៉ុប ពួកគេសម្លឹងមើលតែធនាគារអឺរ៉ុប ហើយពួកគេក៏មានក្តីបារម្ភពីហ្គេមបញ្ចប់របស់ប្រទេសក្រិច និងភាពដែលអាចទៅរួចនៃការរីករាលដាលនៃបញ្ហាប្រាក់បំណុលដល់ប្រទេសអីុតាលី និងអេស្ប៉ាញ។ នេះបើតាមសម្តី របស់លោក Russ Koesterich ប្រធានអ្នកយុទ្ធសាស្ត្រសេដ្ឋកិច្ចនៃក្រុមហ៊ុន IShares unit of BlackRock Inc.នៅទីក្រុង Sanfrancisco។
ផ្សារហ៊ុនអាស៊ីប៉ាស៊ីហ្វិកដែលធ្លាក់ចុះ បានបណ្តាលឲ្យផ្សារហ៊ុនកូរ៉េខាងត្បូងKospiធ្លាក់ចុះ ៣,៦ភាគរយ ឯ Hang Seng របស់ទីក្រុងហុងកុងធ្លាក់ចុះ០,៤ភាគរយ។ ចំណែលផ្សារហ៊ុនជប៉ុន Nikkei 225 ធ្លាក់ចុះ១,១ភាគរយ។
ការព្យាកររបស់ Goldman Sachs Group Incថា សេដ្ឋកិច្ចពិភពលោកនឹងរីកចំរើនតែ៣,៨ ភាគរយ ក្នុងឆ្នាំនេះនិងកើនឡើងបានតែ៣,៥ ភាគរយនៅឆ្នាំ២០១២ ខុសពីការព្យាករលើក មុនថា ឆ្នាំនេះសេដ្ឋកិច្ចពិភពលោកកើនឡើង ៣,៩ភាគរយ និងឡើងដល់៤,២ភាគរយនៅ ឆ្នាំ២០១២។
ចំណែកប្រេងធ្លាក់ចុះ០,៧ភាគរយ មានតម្លៃ៧៧,១០ដុល្លារក្នុងមួយបារ៉ែលក្នុងការជួញដូរ នៅទីក្រុងញូវយ៉ក។ ស្ពាន់បន្តធ្លាក់ចុះក្នុងថ្ងៃទី៥ដែលពេលនេះធ្លាក់ចុះ១,១ភាគរយទៀតក្នុងទីផ្សារទីក្រុងឡុង ដែលមានតម្លៃ៦៩១០ដុល្លារក្នុងមួយតោន។ ដោយឡែកមាសកើនឡើង០,៧ភាគរយ មានតម្លៃ១.៦៧០,៤៣ដុល្លារក្នុងមួយអោន៕
No comments:
Post a Comment
yes