មានរឿងភ្ញាក់ផ្អើលគួរឱ្យរំជួលចិត្តដោយបុរសម្នាក់ប្រកាច់វង្វេងវង្វាន់ស្រែករកម្តាយរកប្រពន្ធឱ្យជួយ ហើយក្រុមគ្រួសារនិយាយថា ត្រូវបណ្តាសាម្តាយដោយបុរសនេះបាននិយាយប្រមាថម្តាយ។
បើតាមស្ត្រីឈ្មោះប៉ូណាន អាយុ២៨ឆ្នាំ ត្រូវជាប្រពន្ធបុរសជនរងគ្រោះបានប្រាប់កោះសន្តិភាពថា កាលពីវេលាម៉ោង៧យប់ ថ្ងៃទី២៨ តុលា ២០១១ ប្តីរបស់នាងឈ្មោះចាន់ សាវ៉ុន អាយុ៣១ឆ្នាំ នៅភូមិថ្មសរ ឃុំស្វាយជ្រំ ស្រុកស្វាយជ្រំ មកពីផឹកសីុជួបជុំបងប្អូន ស្រាប់តែមានអ្នកជិតខាងម្នាក់និយាយថា ម៉ែឯងផឹកស្រវឹងរាល់ថ្ងៃ ហើយពេលស្រវឹងមិនព្រមទៅផ្ទះដេកពួនទេ មកដេកតែផ្ទះអញ បើមិនអីុចឹងដើរព្រោកប្រាជ្ញរំខានគេគ្រប់ផ្ទះ ។ ឮពាក្យនេះប្តីរបស់គាត់ (ចាន់ សាវ៉ុន) ខឹងត្រឡប់មកផ្ទះក៏ស្តីឱ្យថា ម៉ែឯងបើផឹកស្រាស្រវឹងមកដេកពួននៅផ្ទះ កុំដើរទៅព្រោតប្រាជ្ញដេកផ្ទះគេទៀត ប្រយ័ត្នខ្ញុំចាក់ខ្វាក់ភ្នែកទាំងពីរខានបើក ។ និយាយប៉ុណ្ណោះម្តាយក៏ខឹងជេរបញ្ចោររួចក៏យកធូបមួយដុំអុជដាក់បណ្តាសាថា សូមទេវតាជួយធ្វើជាសាក្សីអាកូនអកតញ្ញូបានជេរប្រមាថមើលងាយម្តាយ សូមឱ្យព្រះអង្គដងកើវាយបំបាក់.កអាកូនអកតញ្ញូនេះឱ្យស្លាប់ទាន់ហន់ ។ លុះដល់ម៉ោង៣រសៀលទៀបភ្លឺថ្ងៃទី២៩ តុលា ស្រាប់តែប្តីរបស់នាង (ចាន់ សាវ៉ុន) រវើរវាយស្រែកហៅម្តាយឱ្យជួយក្រោយមកក៏ស្រែកហៅឱ្យប្រពន្ធជួយ ប្រពន្ធក៏កោសខ្យល់ឱ្យ ក្រោយពីដេកបានបន្តិច ស្រាប់តែប្រកាច់ស្រែករកម្តាយផ្អើលអ្នកភូមិតែម្តង ឃើញដូច្នេះអ្នកជិតខាង និងក្រុមគ្រួសារក៏ប្រញាប់ប្រញាល់ដឹកជនរងគ្រោះទៅកាន់មន្ទីរពេទ្យ។ ចាស់ទុំនិយាយថា ទ្រូវបណ្តាសាម្តាយ ដូចសុភាសិតមួយថា «គ្រូទាយម្តាយថា» ពិតជាត្រូវណាស់ ។
ស្ត្រីជាម្តាយឈ្មោះម៉ៅ យឿន ហៅយាយរីក អាយុ៥៣ឆ្នាំបាននិយាយប្រាប់ទាំងទឹកភ្នែកថា កូនប្រុសរបស់គាត់ចាន់ សាវ៉ុន ជាមនុស្សស្លូតបូតគោរពម្តាយគ្រប់ដប់ ចាស់ទុំជិតខាងស្រឡាញ់រាប់អាន មិនដែលមានសំដីធ្ងន់មាក់ងាយម្តាយទេ មិនដឹងយ៉ាងម៉េចល្ងាចថ្ងៃទី២៨ តុលា មកនិយាយធ្ងន់ធ្ងរប្រមាថមើលងាយម្តាយ ទើបគាត់អុជធូបដាក់បណ្តាសា មិននឹកស្មានថា សំដីគាត់ក្លាយជាការដាក់ទោសកូនដូច្នេះទេ រួបគាត់សោកស្តាយខ្លាំងណាស់ហើយបានអុជធូបសុំលាពាក្យលា.កវិញ។
ចំណែកលោកគ្រូពេទ្យនិយាយថា មកពីក្តៅខ្លាំងមិនមែនរឿងអរូបិយនោះទេ ក៏ប៉ុន្តែទោះបីជាយា៉ងណាក៏ដោយការប្រមាថម្តាយពិតជាមានបាបប្រាកដមែន ៕
ពីគេហទំព័រ៖ កោះសន្តិភាព
No comments:
Post a Comment
yes