អាជ្ញាធរមូលដ្ឋានរាយការណ៍ថា រថយន្តកាំមីញ៉ុងមួយគ្រឿងដែលដឹកកម្មករសំណង់ផ្លូវដែកបានក្រឡាប់កាលពីថ្ងៃទី២៩ តុលា ក្នុងផ្លូវរូងភ្នំមួយនៃខេត្តហ្គានស៊ូ ភាគនិរតីប្រទេសចិនបណ្តាលឱ្យមនុស្សស្លាប់យ៉ាងតិច២៣នាក់ ហើយ៥នាក់ទៀតត្រូវរបួសធ្ងន់។
ការិយាល័យរដ្ឋបាលសន្តិសុខការងារខេត្តហ្គានស៊ូ ក្នុងសេចក្តីប្រកាសមួយគូសបញ្ជាក់ថា គ្រោះថ្នាក់នេះកើតមានកាលពីថ្ងៃទី២៩ តុលា វេលាម៉ោង៧ និង៣០នាទីព្រឹកក្នុងផ្លូវរូងក្រោមដីដែលកំពុងស្ថាបនាមួយក្នុងសង្កាត់ម៉ានវ៉ា ស្រុកលីនតាវ ខណៈដែលរថយន្តកាំមីញ៉ុងនេះបើកឆ្ពោះទៅការដ្ឋានផ្លូវដែកកំពុងស្ថាបនា។ ផ្លូវរូងក្រោមដីនេះជាផ្នែកមួយនៃផ្លូវដែកកំពុងស្ថាបនានោះដែរ។ កម្មករចំនួន២៣នាក់បានស្លាប់នៅនឹងកន្លែង ចំណែកកម្មករ៧នាក់ទៀតត្រូវរបួស ហើយបញ្ជូនទៅមន្ទីរពេទ្យដែលស្ថិតនៅក្បែរ។ កម្មកររបួស៥នាក់ស្ថិតក្នុងសភាពធ្ងន់ធ្ងរ ៕
No comments:
Post a Comment
yes