យោងទៅតាមប្រភពព័ត៌មានពីកាសែតចិនមួយចេញផ្សាយកាលពីថ្ងៃសុក្រ ទី២៨ តុលា ឆ្នាំ២០១១ បានឱ្យដឹងថា តារាចម្រៀងហុងកុងកូកូលី បានភ្ជាប់ចំណងអាពាហ៍ពិពាហ៍ជាមួយមហាសេដ្ឋីជំនួញកាណាដាម្នាក់ គឺលោក Bruce Kockowitz កាលពីថ្ងៃព្រហស្បតិ៍ ទី២៧ តុលា ឆ្នាំ២០១១ ។ អ្វីដែលគួរឱ្យកត់សម្គាល់នៅក្នុងមង្គលការនេះ គឺមិនមែនបណ្តាលមកពីភាពខុសគ្នារវាងវ័យរបស់អ្នកទាំងពីរនោះទេ ក៏ប៉ុន្តែការចំណាយលុយរហូតដល់ទៅ២០លានដុល្លារសហរដ្ឋអាមេរិកឯណោះវិញទេ ដែលធ្វើឱ្យស្រទាប់មហាជនមានការភ្ញាក់ផ្អើលពេញទីក្រុងហុងកុង។ មហាសេដ្ឋីកាណាដារូបនេះបច្ចុប្បន្នមានវ័យ៥២ឆ្នាំ ខណៈភរិយារបស់លោក គឺនាងកូកូ លី ទើបតែមានអាយុ៣៦ឆ្នាំប៉ុណ្ណោះ ។
មូលហេតុដែលនាំឱ្យមានការចំណាយប្រាក់ដ៏ច្រើនសន្ធឹកសន្ធាប់បែបនេះត្រូវបានលោក Bruce Rockowitz រៀបរាប់ឱ្យដឹងថា ៖ ទឹកប្រាក់ប្រហែល១០លានដុល្លារ គឺបានចំណាយទៅលើការស្នាក់នៅក្នុងសណ្ឋាគារលំដាប់ផ្កាយ៦ និងតម្លៃសំបុត្រសម្រាប់មិត្តភក្តិ និងសាច់ញាតិទាំងសង្ខាង។ ទឹកប្រាក់៣លានត្រូវបានចំណាយទៅលើការជួលយន្តហោះឯកជនសម្រាប់តារាល្បីៗដូចជា Oprah Winfrey និងជេនីហ្វើ ឡូប៉ែស ។ ចំណែកឯទឹកប្រាក់ជិត៣លានដុល្លារ គឺសម្រាប់ធ្វើចិញ្ចៀនអាពាហ៍ពិពាហ៍ ព្រមទាំងការចំណាយផ្សេងដូចជា ការចំណាយទៅលើពិធីការ រៀបចំមង្គលការ គឺអស់ចំនួនជាង៣សែនដុល្លារ ទឹកប្រាក់ចំនួនជាង៣ម៉ឺនដុល្លារចំណាយទៅលើឈុតរៀបការ និង១លានដុល្លារផ្សេងទៀតគឺចំណាយទៅគ្រឿងអលង្ការ ។
នៅក្នុងពិធីរៀបការរយៈពេល២ថ្ងៃអ្វីដែលញ៉ាំងបរិយាកាសឱ្យកាន់តែសប្បាយរីករាយខ្លាំងនោះ គឺនាងកូកូលី បានច្រៀងចម្រៀង១បទដែលនាងនិពន្ធដោយខ្លួនឯង ឆ្លុះបញ្ចាំងពីទំនាក់ទំនងស្នេហារវាងនាង និងលោក Bruce Rockowitz នាពេលកន្លងមក៕
No comments:
Post a Comment
yes