កាលពីថ្ងៃទី២៥ វិច្ឆិកា មនុស្សរាប់រយនាក់មកពីខេត្តចំនួន១០ បានមកជួបជុំគ្នាធ្វើយុទ្ធនាការនេះនៅសួនច្បារវត្តបទុមវតី រាជធានីភ្នំពេញ។ នៅក្នុងយុទ្ធនាការនោះពួកគេបានអង្គុយតម្រៀបគ្នាជារូបខ្សែបូពណ៌ស ដែលជានិមិត្តរូបអន្តរជាតិមួយសម្រាប់ការបញ្ឈប់អំពើហិង្សាប្រឆាំងនឹងស្ត្រីភេទ។
ក្នុងឆ្នាំ២០១១ នេះ គេបានលើកយកពាក្យស្លោកមួយថា "ការរួមគ្នាធ្វើឲ្យយើងអាចបញ្ឈប់បាននូវអំពើហិង្សាប្រឆាំងនឹងស្ត្រីភេទ និងនាំមកនូវសន្តិភាព"។
នាយកតំណាងប្រទេសនៃអង្គការសហប្រជាជាតិសម្រាប់ស្ត្រី អ្នកស្រី វ៉េននី គូសាម៉ា (Wenny Kusuma) បានថ្លែងថា ក្រុមការងារបានបញ្ជូនសារមួយដ៏សំខាន់ថា ការបញ្ចប់អំពើហិង្សាលើស្ត្រី គឺជាការទទួលខុសត្រូវរបស់យើងម្នាក់ៗគ្រប់គ្នា ។
យុទ្ធនាការឃោសនាចំនួន ១៦ថ្ងៃ នៃសកម្មភាពប្រឆាំងនឹងអំពើហិង្សាលើយេនឌ័រ ជានិមិត្តរូបនៃការតភ្ជាប់ទៅនឹងទិវាអន្តរជាតិសម្រាប់លុបបំបាត់អំពើហិង្សាប្រឆាំងនឹងស្ត្រីភេទ ថ្ងៃទី២៥ វិច្ឆិកា ទៅនឹងទិវាសិទ្ធិមនុស្សអន្តរជាតិ ១០ ធ្នូ៕
អាស៊ីសេរី
No comments:
Post a Comment
yes