Sunday, November 27, 2011
យុវតីម្នាក់បានស្លាប់ក្រោយពីទទួលបានការថើបជាលើកដំបូង
យុវតីវ័យក្មេងម្នាក់មានឈ្មោះថា ជេមម៉ា បេនចាមីន (Jemma Benjamin) អាយុ ១៨ឆ្នាំបានស្លាប់ក្រោយពីសង្សាររបស់នាងបានថើបនាងជាលើកដំបូង។
យោងទៅតាមសម្តីពីប៉ូលិសបានអោយដឹងថា នាងបេនចាមីន បានសាសងគ្នាយ៉ាងរ៉ូមែនទិចជាមួយបុរសនិស្សិតមហាវិទ្យាល័យម្នាក់ ឈ្មោះ ដាញែល រ៉ូស (Daniel Ross) ហើយក្រោយមកភ្លាមៗនោះនាងបេនចាមីនក៏បានផ្តួលខ្លួនទៅលើសាឡុង និងស្លាប់ក្នុងរយៈពេលតែប៉ុន្មាននាទីប៉ុណ្ណោះ។ តាមសម្តីរបស់រ៉ូសបានអោយដឹងថា «យើងបានទៅញ៉ាំអីនៅបារមួយកន្លែង ហើយក៏ត្រលប់មកផ្ទះរបស់ខ្ញុំវិញព្រោះភ្លេចយកប័ណ្ណឥណទាន (Credit Card) ទៅតាមខ្លួន។ យើងកំពុងតែជជែកគ្នា ហើយបញ្ចប់វិញនូវការថើបនៅពីមុខទ្វារចូលផ្ទះ។ យើងបានទៅដល់ចង្ក្រានបាយ និងទៅបន្ទប់ទទួលភ្ញៀវ ហើយជេម៉ាបានអង្គុយចុះនៅលើសាឡុង»។
លោករ៉ូសនិយាយថា ត្របកភ្នែករបស់កញ្ញាបេនចាមីនស្រាប់តែចាប់ផ្តើមធ្លាក់ចុះភ្លាមៗ ហើយមាត់របស់នាងចាប់ផ្តើមបែកពពុះមុនពេលនាងដួលស្លាប់នៅឯផ្ទះ របស់គាត់នៅរបស់គាត់ក្នុងទីក្រុង ប៉ុនទីព្រីត។
រ៉ូសព្យាយាមជួយសង្គ្រោះនាងដែរប៉ុន្តែមិនអាចធ្វើអ្វីបានទាំងអស់ នៅពេលក្រុមសង្គ្រោះមកដល់នាងបានស្លាប់បាត់ទៅហើយ។
រ៉ូសប្រាប់ទៅប៉ូលិសថា យើងគឺជាមិត្តភក្តិនឹងគ្នាអស់រយៈពេល ៣ខែហើយ យើងមិនដែលមានទំនាក់ទំនងរួមភេទទេ ហើយនេះគឺជាគ្រាដំបូងបំផុតដែលយើងបានថើបគ្នា។
នាងជេមម៉ា បេនចាមីន បានស្លាប់ដោយសារតែចង្កោមរោគសញ្ញាស្លាប់ភ្លាមៗក្នុងវ័យជំទង់ (Sudden Adult Death Syndrom, SADS)។ នោះគឺជាជំងឺបេះដូងដ៏កម្រមួយដែលបានសម្លាប់មនុស្សប្រហែលជា ៥០០នាក់ក្នុងមួយឆ្នាំៗនៅចក្រភពអង់គ្លេស៕
កម្ពុជាថ្មី
Subscribe to:
Post Comments (Atom)
No comments:
Post a Comment
yes