ស្រ្តីគ្រូបង្រៀនម្នាក់ត្រូវឃាតកបាញ់សម្លាប់ចំសៀតផ្កាឆ្វេងធ្លាយទៅស្ដាំ បណ្ដាលឲ្យស្លាប់ភ្លាមៗ នៅពេលដែលធ្វើដំណើរតាមម៉ូតូជាមួយប្ដី។
ការបាញ់សម្លាប់នេះកើតឡើងកាលពីវេលាម៉ោង៧យប់ថ្ងៃទី២៦ ខែវិច្ឆិកា ឆ្នាំ២០១១ នៅតាមបណ្ដោយផ្លូវបេតុង៩០ ស្ថិតក្នុងភូមិទួលសង្កែ ខណ្ឌឫស្សីកែវ។
ជនរងគ្រោះជាស្រ្តីឈ្មោះ ឆែ ឆោមរស្មី អាយុ ២៨ឆ្នាំ មុខរបរបុគ្គលិកអង្គការក្ដីសុខសាន្តកម្ពុជា(គ្រូបង្រៀន) មានទីលំនៅភូមិសាមគ្គី ក្រុមទី៧ សង្កាត់ឫស្សីកែវ ត្រូវរងគ្រាប់កាំភ្លើងដែលឃាតកបាញ់ចំក្បាលត្រូវសៀតផ្កាឆ្វេង ធ្លាយទៅស្ដាំស្លាប់ ភ្លាមៗនៅនឹងកន្លែង។ ចំណែកប្ដីមានឈ្មោះ គាំ លក្ខណ៍ទីឡា អាយុ៣០ឆ្នាំ ជាបុគ្គលិកអង្គការគ្រីស្ទៀនអន្តរជាតិ អ្នកទាំង២មានកូនប្រុសម្នាក់អាយុ២ឆ្នាំ។
សមត្ថកិច្ចបានឲ្យដឹងថា ជនរងគ្រោះបានជិះម៉ូតូម៉ាកសង់០៩ ពាក់ស្លាកលេខ ១AL 9611 ធ្វើដំណើរនាំគ្រួសារទៅស្ទូចត្រី នៅផ្លូវចូលទៅហ្រ្គេនភ្នំពេញ កាលពីវេលាម៉ោង៤ល្ងាច។ លុះធ្វើដំណើរត្រឡប់មកវិញតាមបណ្ដោយផ្លូវបេតុង៩០ ក៏ត្រូវឃាតកមានគ្នា២នាក់ជិះម៉ូតូសង់ បានបាញ់តម្រង់ចំក្បាលស្រ្តីរងគ្រោះហើយក៏គេចខ្លួនបាត់តែម្ដង។ សមត្ថកិច្ចមិនទាន់សន្និដ្ឋានការបាញ់ប្រហារនោះជាករណីអ្វីនោះទេ។
ករណីដាច់ដោយឡែកមួយទៀតមានការកើតអគ្គិភ័យនៅរោងចក្រ លី ជិន ស្ថិតនៅភូមិផ្សារតូច សង្កាត់ទួលសង្កែ ខណ្ឌឫស្សីកែវ កាលពីវេលាម៉ោង៩យប់។ ប៉ុន្តែការឆេះនោះបានតែមួយប៉ប្រិចភ្នែកប៉ុណ្ណោះក៏ត្រូវបានពន្លត់វិញភ្លាមៗផងដែរ។ មូលហេតុដែលបណ្ដាលឲ្យមានអគ្គិភ័យនោះក៏ដោយសារតែការទុស្សេខ្សែភ្លើង៕
កម្ពុជាថ្មី
No comments:
Post a Comment
yes