នេះជាលើកទី២ហើយ ដែលដើមបណ្តឹងរដ្ឋប្បវេណីនៃសាលាក្តីខ្មែរក្រហម បានដកខ្លួនចេញ ពីតួ នាទីរបស់ខ្លួន បន្ទាប់ពីដើមបណ្តឹងមួយរូបគឺកញ្ញា សេង ធារី បានដកចេញពីតួនាទី របស់ខ្លួន កាលពី ថ្ងៃទី១៥ ខែវិច្ឆិកា កន្លងទៅថ្មីៗនេះ។
លោក ជ័យ ធារ៉ា ក្នុងនាមដើមបណ្តឹងតំណាងអោយកុមារកំព្រា ក្នុងរបបខ្មែរក្រហម បានផ្តល់បទ សំភាសមកថា កាលដើមឡើយលោកមានទំនុកចិត្តទៅលើសាលាក្តីកូនកាត់ ដែលគាំទ្រដោយ អង្គការ សហប្រជាជាតិមួយនេះ ប៉ុន្តែជំនឿនេះប្រែជារលាយសាបសូនទៅវិញ ខណះដែលសាលាក្តី កូនកាត់មួយនេះ បានប្តូរតួនាទីរបស់ខ្លួនដូចជាថ្លុកកំប្លែងលេងសើច។
ការអស់ជំនឿបែបនេះ ត្រូវបានលោក ជ័យធារ៉ា ផ្តល់ហេតុផល មិនខុសពីកញ្ញាសេងធារី ប៉ុន្មានឡើយ ពោលគឺដោយសារតែមានការជ្រៀតជ្រែក ពីរដ្ឋាភិបាលរបស់គណបក្សប្រជាជនកម្ពុជាតែប៉ុណ្ណោះ។
ដោយសារតែមានការជ្រៀតជ្រែកចូលកិច្ចការផ្ទៃក្នុងសាលាក្តីខ្មែរក្រហមនេះហើយ កន្លងមក មិន មែន តែដើមបណ្តឹងទាំងពីរូបនោះទេ ដែលដកខ្លូនចេញពីតួនាទីខ្លួននោះ ពោលគឺនៅមានសហចៅ ក្រមបរទេស ជាច្រើននាក់ផ្សេងទៀត ក៌បានដកខ្លួនចេញពីតួនាទីរបស់ខ្លួនជាបន្តបន្ទាប់មកផងដែរ។
ការដកខ្លួនជាបន្តត្រូវបានតំណាងរាស្រ្តគណបក្ស សម រង្ស៊ី មើលឃើញយ៉ាងច្បាស់ថា ក្រុមសហ ចៅក្រមបរទេស រួមទាំងដើមបណ្តឹងទំាងនោះ ធ្លាប់រស់នៅក្នុងប្រទេសប្រកាន់ខ្ជាប់ខ្ជួនពីបញ្ហាលិទ្ធិប្រជាធិបតេយ្យ ដូច្នេះអ្នកទាំងនោះពួកគេមិនចេះ ធ្វើការស្ថិតនៅ ក្រោមសំពាធនយោបាយពីអ្នកមានអំណាចណាមួយនោះឡើយ។
លោក យឹម សុវណ្ណ សមាជិកសភា និងជាអ្នកនាំពាក្យរបស់គណបក្ស សម រង្ស៊ី បានអោយ ដឹងកាលពីកន្លងមកថា ការលូកដៃចូលទៅក្នុងកិច្ចការផ្ទៃក្នុង សាលាក្តីខ្មែរក្រហម ពីសំណាក់ មន្រ្តីជាន់ខ្ពស់ក្នុងជួរគណបក្សកាន់អំណាចនេះហើយ ដែលជាដើមចម ដែលនាំអោយពួកគេ បោះតួនាទីខ្លួនជាបន្តបន្ទាប់។ លោក យឹម សុវណ្ណ បានស្នើទៅដល់អ្នកនយោបាយទាំងអស់នៅក្នុងប្រទេសកម្ពុជា អោយបឈ្ឈប់ការជ្រៀតជ្រែក ទៅក្នុងកិច្ចការផ្ទៃក្នុងសាលាក្តីនេះទៀត ដោយត្រូវទុកទ្ឋភាព
អោយសាលាក្តីកូនកាត់នេះ ធ្វើការដោយឯករាជ្យ ស្វែងរកយុត្តិធម៌ពិតប្រាកដ ជូនព្រលឹងជនរងគ្រោះរាប់លាននាក់ នៅក្នុងសម័យខ្មែរក្រហម។
ក្រុមអ្នកឃ្លាំមើលបានលើកឡើងថា ការជ្រៀតជ្រែកទៅក្នុងកិច្ចការផ្ទៃក្នុងសាលាក្តីខ្មែរក្រហម គឺប្រហែលជាមានអ្នកនយោបាយជាន់ខ្ពស់មួយចំនួនអាចជាប់ពាក់ព័ន្ឋ ទៅនឹងបាតដៃប្រឡាក់ ឈាមនៅក្នុងរបបវាលពិឃាត៣ ៨ខែ និង២០ថ្ងៃនោះផងដែរ។
No comments:
Post a Comment
yes