ខ្មែរក្រោមរលឹកខួប៣៥ឆ្នាំនៃព្រឹត្តិការណ៍១៦ វិច្ឆិកា ១៩៧៦ ដែលក្រោកឈរ ប្រឆាំងរដ្ឋាភិបាលវៀតណាម

​​អង្គការ សមាគមខ្មែរកម្ពុជាក្រោមនៅក្នុងប្រទេសកម្ពុជានាថ្ងៃទី១៦ វិច្ឆិកា ខាងមុខនេះគ្រោងនិង

ធ្វើការប្រារព្ធពិធីចងចាំនៅព្រឹត្តិការណ៍ថ្ងៃទី១៦ វិច្ឆិកា ឆ្នាំ១៩៧៦ ដែលខ្មែរកម្ពុជាក្រោមបានក្រោក

ឡើងប្រឆាំងជាមួយរដ្ឋាភិបាលក្រុងហាណូយ ដែលព្រឹត្តិការណ៍នោះបានបណ្តាលអាយខ្មែរ

កម្ពុជាក្រោមស្លាប់ និងរបួសជាច្រើននាក់ និងមានអ្នកខ្លះទៀតត្រូវបានចាប់ដាក់ពន្ធនាគារអស់មួយ

ជីវិត។

​ថ្ងៃទី១៦ វិច្ឆិកា ១៩៧៦ ១៦ វិច្ឆិកា ២០១១ គឺជាខួប៣៥ឆ្នាំ នៃព្រឹត្តិការណ៍ចងចាំរបស់ខ្មែរកម្ពុជា

ក្រោមដែលនាំគ្នាក្រោកឈរឡើងប្រឆាំងទៅនិងរដ្ឋាភិបាលប្រទេសវៀតណាម ដោយនៅក្នុង

ប្រព្រត្តិការណ៍នោះខ្មែរកម្ពុជាក្រោមត្រូវបានកំលាំងរបស់រដ្ឋាភិបាលវៀតណាមធ្វើការវាយបង្ក្រាប

ទៅលើកំលាំងចលនាតស៊ូខ្មែរកម្ពុជាក្រោមដែលប៉ុនប៉ងផ្តួលរំលំរដ្ឋាភិបាលវៀតណាមវាយបង្ក្រាប

ធ្វើអោយចលនាតស៊ូនោះបរាជ័យ។

​លោក សឺន ជុំជួន ប្រធានបណ្តាញសម្ព័ន្ធយុវជនខ្មែរកម្ពុជាក្រោម បានអោយដឹងថា ថ្ងៃទី១៦

វិច្ឆិកា ១៩៧៦ គឺជាធ្វើការប្រឆាំងជាមួយរដ្ឋាភិបាល និយាយអោយចំគឺជាថ្ងៃធ្វើរដ្ឋប្រហារ ហើយ

ដែលជាថ្ងៃប្រវត្តិសាស្ត្រដែលខ្មែរកម្ពុជាក្រោមរងទុក្ខវេទនា។

​ចំណែកលោក ឡេ មិញង៉ុក អ្នកនាំពាក្យស្ថានទូតវៀតណាមប្រចាំកម្ពុជាបានអោយដឹងថា ការលើក

ឡើងរបស់ខ្មែរកម្ពុជាក្រោមគឺជាការមិនពិត។ នៅពេលដែលបង្កើតរដ្ឋាភិបាលវៀតណាមគោរព

សិទ្ធិរបស់ប្រជាជនទាំងអស់​ហើយប្រជាជនទាំងអស់នៅក្នុងប្រទេសវៀតណាមត្រូវតែគោរពច្បាប់

នៅប្រទេសវៀតណាម  រដ្ឋាភិបាលគោរពនូវសិទ្ធិរបស់ប្រេជាជនទាំងអស់គ្នាដោយមិនប្រកាន់

ជនជាតិណាទេ។ ហើយការចោទប្រកាន់មកលើរដ្ឋាភិវៀតណាមគឺជារឿងមិនពិត និងមិនមានមូល

ហេតុច្បាស់លាស់។

​ចលនាតស៊ូខ្មែរកម្ពុជាក្រោមដែលបរាជ័យក្នុងការផ្តួលរំលំរដ្ឋាភិបាលវៀតណាមគឺមានឈ្មោះថា រណសិរ្សសេរីភាពជាតិរំដោះខ្មែរកម្ពុជាក្រោម ដែលមានលោក សឺន ញ៉ ជាប្រធាន លោក កៀង ហ៊ាន ថាច់ ឌាក ជាអនុប្រធាន។លោក ថាច់ គុណ ជាមេបញ្ឆាការយោធា និងលោក ថាច់ កៀងសឺន 

ជាមេបញ្ឆាការរង។

​ថ្ងៃទី១៦ វិច្ឆិកា ១៩៧៦ គឺជាថ្ងៃដែលខ្មែរកម្ពុជាក្រោមបានក្រោកឈរទាមទារសិទ្ធិសេរីភាព និង

លទ្ធិប្រជាធិបតេយ្យពិតប្រាកដ។ ហើយព្រឹត្តិការណ៍នោះគឺបានបើកនូវក្រាំងមាស នៃទំព័រប្រវត្តិ

សាស្ត្រខ្មែរ នៅតំបន់កម្ពុជាក្រោម និងជាថ្ងៃវាយកំទេចនូវខ្នោះដែក នឹមដែក ដែលវៀតណាម

បានធ្វើមកលើខ្មែរកម្ពុជាក្រោម។(នេះបើយោងតាមឯកសារប្រវត្តិសាស្ត្រខ្មែរកម្ពុជាក្រោម)។