ពិធីមង្គលការដ៏អធិកអធមមួយរវាងកូនកំលោះត្បាញអាយ និងអ្នកមេម៉ាយកូន២ នៅភូមិពេជ្រចិន្តា ឃុំពេជ្រចិន្តា ស្រុកភ្នំព្រឹក បានបង្កឱ្យមានការភ្ញាក់ផ្អើលយ៉ាងខ្លាំងដល់ភ្ញៀវកិត្តិយសដែលបានចូលរួម និងប្រជាពលរដ្ឋនៅក្នុងមូលដ្ឋានផងដែរ កាលពីរសៀលថ្ងៃទី២ វិច្ឆិកា ខណៈកូនកំលោះកូនក្រមុំ មួយគូនេះ រៀបចំចេញមកទទួលភ្ញៀវចូលពិសាភោជនីអាហារ ស្រាប់តែភរិយាដើមបង្ហាញមុខជាមួយកូនស្រី៣នាក់រួមទាំងសាច់ញាតិប៉ុន្មាននាក់ផង ចូលទៅសួរសុខទុក្ខដល់រោងការ ធ្វើឱ្យបុរសត្បាញអាយនោះភ្នែកនៅកញ្ចឹងក។
តាមការស្រង់សម្តីអ្នកស្រីផាត់ ម៉ាឡា ដែលជាភរិយាដើមបាននិយាយថា អ្នកស្រីមិនបានដឹងថា ប្តីរបស់គាត់មានទំនាក់ទំនងជាមួយស្រីមេម៉ាយកូន២ខាងលើរហូតឈានដល់ចូូលរោងការនោះទេ ដោយអ្នកស្រីបញ្ជាក់ថា អ្នកស្រីបានដឹងរឿងនេះ នៅពេលមានអ្នកភូមិពេជ្រចិន្តា ទូរស័ព្ទប្រាប់ប៉ុណ្ណោះ ។
ខណៈពេលដែលភ្ញៀវកិត្តិយសដែលចូលរួមក្នុងពិធីមង្គលការ ប្រជាពលរដ្ឋ និងកូនក្រមុំកំពុងតែឆ្ងល់នោះ ស្រាប់តែអ្នកស្រីម៉ាឡា ប្រកាសថា រូបគាត់ជាភរិយាដើមស្របច្បាប់ជាមួយនឹងកូនកំលោះដែលធ្វើឱ្យមនុស្សរាប់រយនាក់ផ្អើលស្រឡាំងកាំងជ្រួញថ្ងាសគ្រប់ៗគ្នាតែម្តង៕
ពីគេហទំព័រ៖ កោះសន្តិភាព
No comments:
Post a Comment
yes