ការដើរហែរក្បួនរបស់ប្រជាពលរដ្ឋបឹងកក់ នាពេលកន្លងមក
លិខិតរបស់សាលារាជធានីភ្នំពេញដែលចុះហត្ថលេខាដោយលោក លី សាវ៉េត នាយករដ្ឋបាល
សាលារាជធានីភ្នំពេញកាលពីថ្ងៃទី២៨ តុលា បានប្រាប់ទៅប្រជាពលរដ្ឋបឹងកក់វិញថា ចំពោះការ
ជូនដំណឹងអំពីការដង្ហែរក្បួនជុំវិញរាជធានីភ្នំពេញចាប់ពីថ្ងៃទី០២ ដល់ថ្ងៃទី០៤ វិច្ឆិកា ឆ្នាំ២០១១
របស់ប្រជាពលរដ្ឋ(បឹងកក់)នោះសាលារាជធានីភ្នំពេញមិនអនុញ្ញាត។ ពីព្រោះការទាមទារនេះជា
ហេតុផលដដែលៗ ដែលសាលារាជធានីភ្នំពេញបានជូនដំណឹងជាច្រើនសាររួចមកហើយចំពោះ
ទីតាំងទំហំដី១២.៤៤ហិកតាមានក្នុងផែនទីឧបសម្ព័ន្ធទី១ ភ្ឆាប់ជាមួយអនុក្រឹតលេខ១៨៣អនក្រ
បក ចុះថ្ងៃទី១០ ខែសីហា ឆ្នាំ២០១១ ដែលមាននិយាមការច្បាស់លាស់ ហើយដែលអាចរកមើ
លតាមរយៈគេហទំព័ររបស់សាលារាជធានីភ្នំពេញ។
ការឆ្លើយតបរបស់សាលារាជធានីភ្នំពេញមិនអនុញ្ញាតអោយប្រជាពលរដ្ឋបឹងកក់ហែរក្បួននាថ្ងៃទី
០២ ដល់ថ្ងៃទី០៤ វិច្ឆិកា ខាងមុខនេះពីបញ្ហាទាមទារអោយមន្ត្រីក្រសួងដែលពាក់ព័ន្ធបង្ហាញពីទំ
ហំដី១២.៤៤ហិកតា ដែលលោក ហ៊ុន សែន បានផ្តល់ប្រទានកម្មអោយប្រជាពលរដ្ឋនៅតំបន់
បឹងកក់ ជាពិសេសសុំអោយលោក ហ៊ុន សែន ជួយអន្តរាគមន៍ផងដែរពីបញ្ហានេះ គឺបន្ទាប់ពី
ប្រជាពលរដ្ឋបានដាក់លិខិតជូនដំណឹងហែរក្បួនទៅសាលារាជធានីភ្នំពេញកាលពីថ្ងៃទី២៦
តុលា ឆ្នាំ២០១១។
ប្រជាពលរដ្ឋបានអោយដឹងថា បើសាលារាជធានីភ្នំពេញមិនអនុញ្ញាតអោយហែរក្បួននៅថ្ងៃទី០២
ដល់ថ្ងៃទី០៤ វិច្ឆិកា ខាងមុខនេះ ពួកគាត់មិនធ្វើទេ ពីព្រោះនៅថ្ងៃទី០២ វិច្ឆិកា សាលាដំបូងរាជ
ធានីភ្នំពេញបានចេញដីកាកោះហៅប្រជាពលរដ្ឋតំបន់បឹងងកក់អោយចូលខ្លួនដើម្បីធ្វើការសាក
សួរពីបញ្ហាបណ្តឹងរបស់មេធាវី សួង សុផល ដែលបានប្តឹងប្រជាពលរដ្ឋពីបទបរិហារកេរ្តិ៍។ ហេតុ
ដូច្នេះហើយពួកគាត់នាំគ្នាទៅប្រមូលផ្តុំនៅមុខតុលាការដើម្បីជួយលើកទឹកចិត្តអ្នកដែលចូលទៅ
ក្នុងតុលាការ និងជាពិសេសខ្លាចមានការចាប់ខ្លួនប្រជាពលរដ្ឋនៅពេលចូលទៅក្នុងតុលាការ៕
No comments:
Post a Comment
yes