ញ្ញត្តិធ្វើឲ្យរាជធានីភ្នំពេញជាតំបន់គ្មានការបណ្តេញចេញត្រូវបានដាក់ទៅលោ ក កែប ជុតិមា

 ប្រជាពលរដ្ឋដែលមកពីតាមសហគមន៍នានាក្នុងរាជធានីភ្នំពេញប្រមាណជិត១០០នាក់បានមក

ធ្វើការប្រមូលផ្តុំគ្នានៅមុខសាលារាជធានីភ្នំពេញនៅរសៀលថ្ងៃទី០២ វិច្ឆិកា ដើម្បីយកញ្ញត្តិដាក់

ជូនអភិបាលក្រុង ស្តីពីរាជធានីភ្នំពេញជាតំបន់គ្មានការបណ្តេញចេញ។

ញ្ញត្តិធ្វើអោយរាជធានីភ្នំពេញជាតំបន់គ្មានការបណ្តេញចេញដែលបានដាក់អោយលោក កែប ជុតិមា

អភិបាលសាលារាជធានីភ្នំពេញ មានចំនួនស្នាមមេដៃ និងហត្ថលេខាប្រជាពលរដ្ឋមកពីតាម

សហគមន៍នានាក្នុងរាជធានីភ្នំពេញនិងរួមមានទាំងជនបរទេសផងដែរនោះមានចំនួន១២៥៣នាក់

ស្នាមមេដៃ និងហត្ថលេខា។ ដែលញ្ញត្តិនេះគឺជាផ្នែកមួយនៃការធ្វើយុទ្ធនាការជាសាកលនៃ

ទិវាសិទ្ធិលំនៅដ្ឋានពិភពលោកដែលចាប់ផ្តើមពីថ្ងៃទី១៥ កញ្ញា ដល់ថ្ងៃទី៣១ តុលា ឆ្នាំ២០១១។

 នៅក្នុងញ្ញត្តិប្រជាពលរដ្ឋបានសម្តែងក្តីកង្វល់របស់ពួកគាត់ចំពោះបញ្ហាបណ្តេញចេញចេះតែបន្ត ដែលសហគមន៍នានានៅរាជធានីភ្នំពេញកំពុងតែប្រឈមនាបច្ចុប្បន្ន។ ដោយបានលើកឡងថា 

ប្រជាពលរដ្ឋរស់នៅរាជធានីភ្នំពេញច្រើនជាង១០ភាគរយត្រូវបានភៀសខ្លួនចេញក្នុងរយៈពេល២

ទសវត្សចុងក្រោយនេះ។ ដោយសារតែតម្លៃដីធ្លីឡើងថ្លៃកប់ពពកប្រជាពលរដ្ឋចំនួន១៥០០០០នាក់

គ្មានជម្រក។ ហើយនៅក្នុងករណីខ្លះធ្វើអោយមានការឈឺចាប់យ៉ាងខ្លាំងនៅពេលបានឃើញលំនៅ

ដ្ឋាននិងទ្រព្យសម្បត្តិផ្ទាល់ខ្លួនត្រូវបានគេបំផ្លាញដោយប្រើប្រាស់គ្រឿងចក្រកំទេច។

 ញ្ញត្តិដដែលបានបន្តថា ការបណ្តេញចេញនៅរាជធានីភ្នំពេញធ្វើអោយកើតឡើងការរំលោភ

សិទ្ធិមនុស្ស និងផលប៉ះពាល់សង្គមកាន់តែមានការរីករាលដាល។ ដោយពួកគាត់សូមអំពាវនាវ

ដល់ថ្នាក់ដឹកនាំរាជរដ្ឋាភិបាល និងអភិបាលសាលារាជធានីភ្នំពេញបញ្ចប់ការអនុវត្តបណ្តេញចេញ

ដែលជារូបភាពមិនចាំបាច់ក្នុងកិត្តិយសអន្តរជាតិស្តីពីទីក្រុង និងដើម្បីបញ្ចប់ការប្រើប្រាស់បណ្តេញ

ចេញក្នុងទីក្រុង ហើយនាំមកនូវសករាជថ្មីមួយសម្រាប់ទីក្រុងដល់ពិតប្រាកដសម្រាប់ទាំងអស់គ្នា

និងដើម្បីប្រកាសទិក្រុងគ្មានការបណ្តេញចេញ។ប្រជាពលរដ្ឋបានអោយដឹងថា ញ្ញត្តិរបស់ពួកគាត់

ត្រូវបានមន្ត្រីរដ្ឋបាលសាលារាជធានីភ្នំពេញបានទទួលយក ដោយគេសន្យាថា និងបញ្ឆូនទៅថ្នាក់

លើរបស់គេ ដើម្បីបញ្ឆូនទៅលោក កែប ជុតិមា អភិបាលសាលារាជធានីភ្នំពេញ។ ប៉ុន្តែចំពោះការ

ឆ្លើយតបយ៉ាងណានោះនៅមិនទាន់ដឹងទេ។

 ប្រជាពលរដ្ឋក្នុងសហគមន៍ចំនួន៩ក្នុងរាជធានីភ្នំពេញដែលមានស្នាមមេដៃ និងហត្ថលេខាក្នុង

ញ្ញត្តិមានដូចជា សហគមន៍បឹងកក់ អតីតប្រជាពលរដ្ឋបឹងកក់ ទួលរ៉ាដា(នៅភ្នំពេញថ្មី) 

១០៤ ១០៥(នៅរទេះភ្លើងទួលសង្កែ) ៧៨(ជិតស្ថានទូតអូស្ត្រាលីថ្មី) ដីក្រហម ស្ទឹងមានជ័យ។

សូមបញ្ឆាក់ថាសហគមន៍ចំនួន៤១០ក្នុងរាជធានីភ្នំពេញប្រឈមមុខទៅនិងការបណ្តេញចេញ ដោយក្នុងនោះមានសហគមន៍ចំនួន៨៩ដែលទទួលបានលិខិតជូនដំណឹងអោយចាកចេញ៕