ពលករទៅធ្វើការនៅម៉ាឡេស៊ីតាមរយៈក្រុមហ៊ុន យូមេនផៅវ័រ បានស្លាប់ម្នាក់ ទៀត ដោយធាតុមិនប្រគល់ឲ្យគ្រួសារ

ធាតុរបស់ស្ត្រីដែលជាពលករខ្មែរទៅធ្វើការនៅប្រទេស ម៉ាឡេស៊ី ដែលត្រូវបានបញ្ជូនមកដល់

ប្រទេសកម្ពុជា នៅមិនទាន់បានប្រគល់អោយក្រុមគ្រួសារនៅឡើយទេ។ បើទោះបីជានៅរសៀល

ថ្ងៃទី២៣ វិច្ឆិកា ក្រុមគ្រួសារបានទៅសុំយកធាតុពីក្រុមហ៊ុនយ៉ាងណាក៍ដោយ។

 ពលករខ្មែរដែលស្លាប់មានឈ្មោះ ពៅ ស្រីនិច អាយុ១៨ឆ្នាំ មានស្រុកកំណើតនៅភូមិព្រៃព្រំ២

ឃុំរបោះនង្គ័ល ស្រុកមោងឬស្សី ខេត្តបាត់ដំបង បានចេញទៅធ្វើការនៅប្រទេស ម៉ាឡេស៊ី

តាមរយៈក្រុមហ៊ុន យូមេនផៅវ័រ កាលពីថ្ងៃទី២៨ សីហា ឆ្នាំ២០១១ ហើយបានស្លាប់កាល

ពីថ្ងៃទី២៤ តុលា ឆ្នាំ២០១១។

 អ្នកស្រី ទុយ ប៉ិប ម្តាយជនរងគ្រោះបានអោយដឹងនៅក្នុងសន្និសីទកាសែតនៅរសៀលថ្ងៃទី២៣ វិច្ឆិកា ថា ក្រុមហ៊ុន យូមេនផៅវ័រ បាននិយាយគំរាមថា បើប្តឹងផ្តល់វែងឆ្ងាយគេមិនដោះស្រាយ

អោយទេ។ ដោយអ្នកស្រីបានលើកឡើងថា បើក្រុមហ៊ុនមិនទទួលខុសត្រូវចំពោះបញ្ហាដែល

កើតឡើងទេសុំអោយក្រសួងដែលពាក់ព័ន្ធបិទក្រុមហ៊ុននេះចោលទៅ។

 អ្នកស្រី ទុយ ប៉ិប បានបន្តថា អ្នកស្រីមិនទុកចិត្តទេចំពោះការអះអាងរបស់ក្រមហ៊ុន ដែលថាកូន

គាត់ស្លាប់ដោយសារលេបថ្នាំសម្លាប់ខ្លួនទេ។បន្ទាប់ពីធ្វើសន្និសីទកាសែតរួចក្រុមគ្រួសារជនរងគ្រោះ

បាននាំគ្នាធ្វើដំណើរទៅក្រុមហ៊ុន យូមេនផៅវ័រ ដែលមានស្នាក់ការនៅផ្ទះលេខ១១៦ ១១៨ ស្ថិត

ក្នុងសង្កាត់ទួលសង្កែ ខណ្ឌឬស្សីកែវ នៅពេលចូលទៅដល់ក្នុងក្រុមហ៊ុនមិនបានគេប្រគល់ធាតុ

អោយទេ។ ដោយក្រុមហ៊ុនបានរុញក្រុមគ្រួសារជនរងគ្រោះអោយទៅជួបនៅនាយកដ្ឋានជួញ

ដូរមនុស្សនៅក្នុងអគ្គស្នងការនគរបាលជាតិ។

 ទាក់ទងបញ្ហាខាងលើនេះមន្ត្រីក្រុមហ៊ុន យូមេនផៅវ័រ នៅពេលដែលក្រុមអ្នកសារព័ត៍មានសាកសួរ

គឺមិនធ្វើអត្ថាធិប្បាយទេ។

 សូមជម្រាបថា ពលករដែលបានទៅធ្វើការតាមរយៈក្រុមហ៊ុន យូមេនផៅវ័រនៅប្រទេស ម៉ាឡេស៊ី

 នាពេលកន្លងមកនេះកន្លងមកនេះបានស្លាប់ចំនួន២នាក់ហើយ។ ដោយម្នាក់នៅខេត្តកំពង់ស្ពឺ

 និងម្នាក់ទៀតនៅខេត្តបាត់ដំបង។ចំណែកអាជ្ញាធរដែលពាក់ព័ន្ធនៅមិនទាន់មានចំណាត់ការទៅ

លើក្រុមហ៊ុនយូមេនផៅវ័រ នៅឡើយទេទាក់ទងទៅនិងពលករទៅធ្វើការនៅប្រទេសម៉ាឡេ

ស៊ី បានស្លាប់ជាបន្តបន្ទាប់៕