ស្ត្រីក្រមុំចាស់ម្នាក់ត្រូវបានឃាតករមិនស្គាល់មុខធ្វើសកម្មភាពចាប់រំលោភសេពសន្ថវៈបានសម្រេច រួចសម្លាប់ចោលនៅក្បែរផ្ទះរបស់គាត់យ៉ាងអាណោចអាធ័មបំផុតហើយសាកសពត្រូវបានអ្នកស្រុកប្រទះឃើញនៅរសៀលថ្ងៃទី ២៧ ខែ វិច្ឆិកា ឆ្នាំ ២០១១នេះ ស្ថិតនៅចម្ងាយ១០ម៉ែត្រប៉ុណ្ណោះ ពីខាងកើតផ្ទះ ក្នុងភូមិ ក្រាំងតាតន់ ឃុំ តាំងស្យា ស្រុក ភ្នំស្រួច ខេត្ត កំពង់ស្ពឺ។
អំពើឃាតកម្មរំលោភហើយសម្លាប់ស្ត្រីក្រមុំចាស់នេះ បានកើតឡើងកាលពីយប់ថ្ងៃទី ២៦ ខែ វិច្ឆិកា ឆ្នាំ ២០១១១កន្លងមកនេះ។ ជនរងគ្រោះមានឈ្មោះ មន សុខ ហៅ អិត ភេទស្រី អាយុ ៣៦ ឆ្នាំជាស្ត្រីក្រមុំចាស់ មានទីលំនៅភូមិ ឃុំ កើតហេតុខាងលើ។
លោក ភោគ សម្បត្តិ នាយរងការិយាល័យបច្ចេកទេសនៃស្នងការខេត្តកំពង់ស្ពឺ បានប្រាប់ឲ្យដឹងនៅព្រឹកថ្ងៃទី ២៨ ខែ វិច្ឆិកា ឆ្នាំ ២០១១ ថា ស្ត្រីរងគ្រោះត្រូវបានឃាតករ ចាប់រំលោភសេពសន្ថវៈ បានសម្រេចរួចទើបសម្លាប់ចោលតែម្ដង។ លោក បានបន្តថា ឆ្លងតាមការស្រាវជ្រាវជុំវិញកន្លែងកើតហេតុ បានបញ្ជាក់ថា នៅយប់កើតហេតុ ថ្ងៃទី ២៦ ខែ វិច្ឆិកា ឆ្នាំ ២០១១ ស្ត្រីរងគ្រោះបានទៅអង្គុយជជែកលេងនៅផ្ទះអ្នកជិតខាងដល់យប់ជ្រៅបន្តិច បានត្រឡប់មកផ្ទះវិញ ដោយដេកជាមួយក្មួយម្នាក់ទៀត ដែលមានអាយុទើបតែ៦ឆ្នាំប៉ុណ្ណោះ៕
លោក ភោគ សម្បត្តិបានបន្តថា រហូតដល់ព្រឹកឡើងក្មួយរបស់ជនរងគ្រោះ បានដើរលេងធម្មតា ដោយឡែកសាកសពមិនត្រូវបានក្រុមគ្រួសារចាប់អារម្មណ៍នោះទេ។ លុះរសៀលស្រាប់តែអ្នកភូមិដើរទៅស្រែ ប្រទះឃើញ ដេកស្លាប់ ទើបមានការភ្ញាក់ផ្អើលបែបនេះ។ លោក បន្តថា ករណីរំលោភសេពសន្ថវៈរួចសម្លាប់នេះ ជំនាញកំពុងចុះធ្វើការស្រាវជ្រាវបន្តទៀតដើម្បីកំណត់មុខសញ្ញាជនសង្ស័យយកមកផ្ដន្ទាទោសតាមច្បាប់៕
កម្ពុជាថ្មី
No comments:
Post a Comment
yes