តាអាយុ៦៤ឆ្នាំអាណិកជនអូស្ត្រាលីដែលមានប្រពន្ធក្មេងនៅឃុំក្រាំងយ៉ូវ ស្រុកស្អាងខេត្តកណ្ដាលត្រូវបានជនមិនស្គាល់មុខចាប់អារកនិងកណ្ដៀវក្នុងបន្ទប់ទឹកបណ្ដាលអោយរងរបួសធ្ងន់ហើយត្រូវបានបញ្ជូនមកសង្គ្រោះនៅមន្ទីរពេទ្យកាល់ម៉ែត្រហើយគេសង្ស័យថាអាចជារឿងគំនុំមិនមែនជាករណីប្លន់ព្រោះមិនបានយកទ្រព្យសម្បត្តិអ្វីឡើយ។
ហេតុការណ៍នេះបានកើតឡើងវេលាម៉ោង២២និង៣០នាទីយប់រំលងអាធ្រាត្រឈានចូលថ្ងៃទី២៨ខែវិច្ឆិកាឆ្នាំ២០១១នៅចំណុចបន្ទប់ទឹកផ្ទះរបស់ជនរងគ្រោះក្នុងភូមិតាពិច ឃុំក្រាំងយ៉ូវ ស្រុកស្អាងខេត្តកណ្ដាល។
ជនរងគ្រោះឈ្មោះ ប្រាក់ ថា ភេទប្រុសអាយុ៦៤ឆ្នាំជាអាណិកជនរស់នៅប្រទេសអូស្ត្រាលីសព្វថ្ងៃនេះមានប្រពន្ធក្មេងឈ្មោះ ស្រស់ ស្រីណេត អាយុ៣១ឆ្នាំមានកូនម្នាក់ក្នុងបន្ទុកគ្រួសារ។
បើតាមការរៀបរាប់របស់ស្ត្រីជាប្រពន្ធបានប្រាប់សមត្ថកិច្ចអោយដឹងថាពួកគាត់បានរៀបការនិងគ្នា២ទៅ៣ឆ្នាំមកហើយហើយថ្មីៗនេះប្ដីគាត់បានមកពីប្រទេសអូស្ត្រាលីដើម្បីមកធានារូបគាត់និងកូនទៅរស់នៅប្រទេសអូស្ត្រាលីជាមួយគ្នាស្រាប់តែនៅយប់កើតហេតុខណៈពេលប្ដីគាត់ក្រោកពីដេកឡើងបត់ជើងនៅក្នុងបន្ទប់ទឹកដែលមានចំងាយពីផ្ទះប្រហែល៤ទៅ៥ម៉ែត្រក៏ត្រូវបានជនមិនស្គាល់មុខប្រហែលមានគ្នា២នាក់ដោយម្នាក់ឈប់ម៉ូតូចាំនៅខាងក្រោយផ្ទះឯម្នាក់ទៀតដែលប្រដាប់ដោយកណ្ដៀវបានចូលមកខ្ទប់មាត់ប្ដីគាត់ប្រដាប់ដោយកណ្ដៀវបានចូលមកខ្ទប់មាត់ប្ដីគាត់នៅក្នុងបន្ទប់ទឹកចាប់អារកប្ដីគាត់ក្នុងបំណងសំលាប់ប៉ុន្តែខណៈពេលកំពុងធ្វើសកម្មភាពនោះប្ដីគាត់បានព្យាយាមរើបំរាស់និងស្រែកអោយគេជួយដូច្នេះប្រពន្ធឮប្ដីស្រែកអោយជួយក៏ចេញពីផ្ទះស្រែកឆោឡោអោយគេជួយទើបក្រុមឃាតកទាំងនោះរត់ទៅជិះម៉ូតូគា្នគេដែលឈប់ចាំនៅខាងក្រោយគេចបាត់តែម្ដង។
ដូច្នេះក្នុងករណីនេះមានតែសមត្ថកិច្ចទេដែលអាចស្វែងរកមុខឃាតករបាន៕
កម្ពុជាថ្មី
No comments:
Post a Comment
yes