អំពើហិង្សាក្នុងគ្រួសារមួយបានកើតឡើង កាលពីវេលាម៉ោង១២និង៣០នាទីថ្ងៃត្រង់ ថ្ងៃទី២ វិច្ឆិកា នៅក្នុងភូមិត្រពាំងត្រោក ឃុំប្រាំមុម ស្រុកថ្ពង ខណៈបុរសជាប្តីស្រវឹងជោកជាំបង្កទំនាស់ជាមួយប្រពន្ធរួចដុតផ្ទះខ្លួនឯងចោលទាំងកណ្តាលថ្ងៃត្រង់។
មន្ត្រីប៉ូលិសព្រហ្មទណ្ឌស្រុកថ្ពងរៀបរាប់ថា បុរសជាប្តីមានឈ្មោះម៉ៅ ខាន់ អាយុ៣៨ឆ្នាំ រស់នៅភូមិត្រពាំងត្រោក ឃុំប្រាំបីមុម ស្រុកថ្ពង។ រីឯផ្ទះដែលឆេះមានទំហំ៥គុណ៧ម៉ែត្រ សង់ខ្ពស់ពីដី ប្រក់ស័ង្កសី រួមទាំងទ្រព្យសម្បត្តិមួយចំនួនដូចជាវិទ្យុ ទូរទស្សន៍ អាគុយ ស្រូវជាច្រើនបាវ និងសម្ភារប្រើប្រាស់មួយចំនួន ត្រូវឆេះហ្មត់។
មន្ត្រីប៉ូលិសមូលដ្ឋានបានឱ្យដឹងថា នៅថ្ងៃកើតហេតុ ឈ្មោះម៉ៅ ខាន់ បានអង្គុយផឹកនៅត្រៀមស្រាក្នុងភូមិតាំងពីព្រឹករហូតថ្ងៃត្រង់ ក៏ត្រឡប់ទៅផ្ទះវិញ។ ដោយសារតែស្រវឹងនិងឃ្លានបាយខ្លាំងបានឱ្យប្រពន្ធដួសបាយឱ្យហូប។ពេលហូបមិនបានប៉ុន្មានម៉ាត់ផង ក៏ស្រែកឡើងថា ធ្វើម្ហូបមិនឆ្ងាញ់ អត់ចេះស្លឱ្យឆ្ងាញ់ដូចក្នុងហាងគេផឹកស៊ី ក៏គ្រវាត់ស្លាបព្រា និងចានបាយចោល ហើយពុំអស់ចិត្តក៏ដើរទៅរកប្រេងសាំងមកចាក់តាមសសរផ្ទះ និងជញ្ជាំង រួចកេះដែកកែសដុតឱ្យឆេះទ្រលោមតែម្តង ៕
ពីគេហទំព័រ៖ កោះសន្តិភាព
No comments:
Post a Comment
yes