យុវសិស្សម្នាក់រៀននៅសាលាអន្តរជាតិសិង្ហបុរី បានធ្លាក់ពីលើអគារជាន់ទី ៤ នៅរសៀលថ្ងៃចន្ទនេះ បណ្ដាលឲ្យរបួសយ៉ាងធ្ងន់ធ្ងរ។
លោក យិន សាន អធិការនគរបាលខណ្ឌ ៧ មករា បានប្រាប់ឲ្យដឹងនៅរសៀលថ្ងៃចន្ទនេះថា យុវសិស្ស លឹម រ៉ូម៉ា អាយុ ១៧ឆ្នាំ ជាសិស្សរៀននៅសាលាអន្តរជាតិសិង្ហបុរី ដែលមានទីតាំងស្ថិតនៅក្បែររង្វង់មូលនាងគង្ហីង សង្កាត់អូរឫស្សីទី ២ ខណ្ឌ ៧មករា បានរងរបួសបាក់ដៃ និងជើងឆ្វេងយ៉ាងធ្ងន់ធ្ងរក្រោយពីធ្លាក់ពីអគារកម្ពស់ ៤ជាន់ កាលពីវេលាម៉ោង ១២:៤៥នាទីរសៀលថ្ងៃនេះ និងត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត្រ។
លោក យិន សាន បានថ្លែងថា៖ «យើងបានបញ្ជាឲ្យមន្ត្រីយើងចុះស្រាវជ្រាវករណីនេះបន្ថែមទៀត ដើម្បីស្វែងរកមូលហេតុឲ្យបានច្បាស់ ដែលនាំឲ្យក្មេងប្រុសរូបនេះធ្លាក់ចុះពីលើអគារខ្ពស់បាន»។
មន្ត្រីនគរបាលរូបនេះ បានឲ្យដឹងបន្ថែមថា រហូតមកដល់ពេលនេះ ក្មេងប្រុសរងគ្រោះបានដឹងខ្លួនវិញហើយ ប៉ុន្តែ នៅតែស្ថិតក្នុងសភាពមិនទាន់ហ្នឹងនរនៅឡើយទេ។ភ្នំពេញប៉ុស្តិ៏
No comments:
Post a Comment
yes