អ្នកស្រី ទេព វន្នី អាយុ ៣១ឆ្នាំ អ្នកស្រី បូ ឆវី អាយុ ៣៧ឆ្នាំ និងអ្នកស្រី ហេង មុំ អាយុ ៥៥ឆ្នាំ ជាប្រជាពលរដ្ឋភូមិ ២២ នៃតំបន់បឹងកក់ សង្កាត់ស្រះចក ខណ្ឌដូនពេញ ត្រូវបានកម្លាំងនគរបាលរាជធានីភ្នំពេញ ចាប់បញ្ជូនទៅស្នងការដ្ឋាននគរបាលរាជធានីភ្នំពេញ នៅព្រឹកថ្ងៃចន្ទនេះ។
រហូតមកដលវេលាម៉ោង ៣រសៀលថ្ងៃនេះ អ្នកភូមិទាំង ៣រូបនេះ មិនទាន់ត្រូវបានគេដោះលែងនៅឡើយទេ ខណៈអង្គការសង្គមស៊ីវិលមួយចំនួន បានព្យាយាមជួយអន្តរាគមន៍ឲ្យមានការដោះលែងស្ត្រីទាំង ៣រូបនេះ។
កម្លាំងសន្តិសុខមកពីខណ្ឌដូនពេញ បានព្យាយាមបំបែកការប្រមូលផ្ដុំរបស់អ្នកភូមិ ដោយបានរុញច្រាន និងវាយប្រតប់ទៅលើក្រុមអ្នកតវ៉ានៅមុខសាលារាជធានីភ្នំពេញ។ ជាមួយគ្នានោះដែរ ស្ត្រីម្នាក់ឈ្មោះ ខែក ចន្ទរស្មី មកពីភូមិ ២១ បានយកឡាមមកអារដៃឆ្វេងរបស់ខ្លួន ខណៈអ្នកស្រី គង់ ចាន់ថា មកពីភូមិ ២៤ បានព្យាយាមលេបថ្នាំជាច្រើនគ្រាប់មកលេប ដើម្បីដាក់គំនាបលើអាជ្ញាធរឲ្យចេញមកដោះស្រាយតាមសំណូមពររបស់អ្នកភូមិ ពាក់ព័ន្ធនឹងការធ្វើប័ណ្ណកម្មសិទ្ធិដីធ្លី។
នេះជាលើកទីមួយហើយដែលក្រុមអ្នកតវ៉ាមកពីតំបន់បឹងកក់ បានប្រើវិធីធ្វើអត្តឃាតខ្លួនឯង ដើម្បីប្រឆាំងនឹងគម្រោងអភិវឌ្ឍន៍តំបន់បឹងកក់ដ៏ចម្រូងចម្រាស់ ជិតមួយសប្ដាហ៍ក្រោយពីស្ត្រីឈ្មោះ ជា តារា មកពីភូមិ ២២ បានលោតទឹកសម្លាប់ខ្លួនពីលើស្ពានជ្រោយចង្វា ដោយសារតែពុំអាចទ្រាំទ្រនឹងសកម្មភាពបណ្ដេញប្រជាពលរដ្ឋចេញពីតំបន់មួយនេះ។ភ្នំពេញប៉ុស្តិ៏
No comments:
Post a Comment
yes