កំលោះចាស់អាយុ៦៨ឆ្នាំ ម្នាក់បានពិការភ្នែកទាំង២រយៈពេល៤៥ឆ្នាំមកហើយៗរយៈពេល៣ឆ្នាំកន្លងមកនេះក្រោយម្ដាយរបស់គាត់បានស្លាប់ទៅជីវភាពរស់នៅប្រចាំថ្ងៃនិងកិច្ចការងារក្នុងផ្ទះគាត់ត្រូវតែរៀនធ្វើដោយខ្លួនឯង។បច្ចុប្បន្ននេះបុរសឈ្មោះ អ៊ឹម សុខអាយុ៦៨ឆ្នាំពិការភ្នែកទាំងសងខាងរស់នៅក្នុងខ្ទមស្លឹកតូចមួយតែម្នាក់ឯងក្នុងភូមិថ្មីឃុំតាំងក្រសាំងស្រុកទឹកផុសនៅក្នុងការងារផ្ទះគាត់អាចដាំបាយដងទឹកពុះអុសដាំដំឡូងនិងចិញ្ចឹមមាន់បានដោយខ្លួនឯងតែមិនមែនងាយស្រួលដូចអ្នកភ្នែកភ្លឺនោះឡើយ។
លោក អ៊ឹម សុខបាននិយាយឲ្យដឹងថាអំពីប្រវត្តិជីវិតដ៏កំសត់របស់គាត់ថាគាត់មានបងប្អូន៤នាក់កើតក្នុងត្រកូលកសិករកាលពីអាយុ១៥ឆ្នាំគាត់មានជម្ងឺអុតធំដោយសារតែភាពក្រីក្រជម្ងឺនេះបានធ្វើឲ្យភ្នែកម្ខាងរបស់គាត់ខ្វាក់ម្ខាង។រហូតដល់អាយុ២៥ឆ្នាំក៏បានរាលដាលឆ្លងមកភ្នែកម្ខាងទៀតធ្វើឲ្យងងឹតហើយក៏ខ្វាក់តែម្ដងទៅ។នៅក្នុងឆ្នាំ១៩៧៥ក្រុមគ្រួសារគាត់បានជម្លៀសទៅនៅស្រុកទឹកផុសសម័យនោះគាត់ចេះវេញខ្សែគោទើបអាចមានជីវិតរស់នៅក្នុងជំនាន់ប៉ុលពត។ពេលត្រឡប់មកវិញគាត់រស់នៅជាមួយម្ដាយក្នុងភូមិថ្មីឃុំតាំងក្រសាំងបងប្អូនគាត់២នាក់និងឪពុកគាត់បានស្លាប់នៅសល់តែប្អូនស្រីម្នាក់មានប្ដីបែកទៅនៅជាមួយគ្រួសារ។កាលបីឆ្នាំមុនម្ដាយបង្កើតគាត់ឈ្មោះ ធ្លក រៀល អាយុ៨៦ឆ្នាំបានស្លាប់ចោលទៅ គាត់ត្រូវរស់នៅក្នុងខ្ទមតែម្នាក់ឯង៕
កម្ពុជាថ្មី
No comments:
Post a Comment
yes