ចិនជាម្ចាស់កាន់កាប់បំណុលអាមេរិកដ៏ធំជាងគេបំផុតនៅលើពិភពលោក ដោយគ្រប់គ្រងចំណែកដែលមានទឹកប្រាក់ប្រហែល១,១៥ លាន លាន ដុល្លារ ដែលនាំអោយមានចំណាប់អារម្មណ៍ដ៏ច្រើនរបស់រដ្ឋាភិបាលក្រុងប៉េកាំងចំពោះស្ថានភាពសេដ្ឋកិច្ចអាមេរិក។
ទីភ្នាក់ងារសារព័ត៌មានស៊ីនហួរបស់ចិនបាននិយាយនៅក្នុងបទអត្ថាធិប្បាយរបស់ខ្លួនថា “ ក្រុមអ្នកនយោបាយរបស់រដ្ឋាភិបាលក្រុងវ៉ាស៊ីនតោន ត្រូវបង្កើនកិច្ចខំប្រឹងប្រែងដោយជំរុញលើកទឹកចិត្តដើម្បីសង្គ្រោះវិបត្តិប្រាក់បំណុលដែលជិតផ្ទុះឡើងនេះ ហើយចាប់ផ្តើមបង្ហាញពិភពលោក ថា ពួកគេមានគតិបណ្ឌិតនិងការតាំងចិត្តដ៏ខ្លាំងដើម្បីកុំធ្វើអោយមានហានីភ័យបន្ថែមទៀតដល់ការងើបឡើងវិញនៃសេដ្ឋកិច្ចសកលដ៏ផុយស្រួយនេះ”។
គណៈកម្មាធិការកំពូលសភាអាមេរិកកាលពីថ្ងៃចន្ទ មិនអាចសម្រចបានកិច្ចព្រមព្រៀងដើម្បីគ្រប់គ្រងឱនភាពថវិកាដែល កំពុងជួបបញ្ហាខ្លាំងរបស់រដ្ឋាភិបាលនេះទេ ដោយសារតែមានការខ្វែងគំនិតគ្នាថាតើត្រូវធ្វើយ៉ាងណាដើម្បីធ្វើអោយសេដ្ឋកិច្ចរបស់ខ្លួនមានភាពល្អប្រសើរឡើវិញនោះ។
ចំណាត់ការនេះបានបញ្ជាក់ថាគណៈកម្មាធិការកំពូលដែលមានសមាជិកចំនួន១២នាក់នេះនឹងមិនអាចសម្រេចបានតាមគោលដៅរបស់ខ្លួនដើម្បីកាត់បន្ថយឱនភាពថវិកាអាមេរិកអោយមកនៅត្រឹម១,២ លាន លាន ដុល្លារ ក្នុងរយៈពេល១០ឆ្នាំនោះទេ បន្ទាប់ពីមានការខ្វែងគំនិតគ្នាលើការបង្កើនពន្ធសំរាប់ពួកអ្នកមាននិងកាត់បន្ថយការចំណាយប្រាក់រដ្ឋ៕
No comments:
Post a Comment
yes