តុលាការកោះហៅពលរដ្ឋ២នាក់ឲ្យចូលខ្លួនក្នុងរឿងជម្លោះជាមួយឧកញ៉ា ថោង សារ៉ាត់ ក្នុងសំណុំរឿងវាយរបង

  បណ្តឹងប្តឹងផ្តល់គ្នារវាងប្រជាពលរដ្ឋនៅភូមិត្នោតជ្រុំ សង្កាត់បឹងទំពុន ខណ្ឌមានជ័យ ជាមួយនិង

ឧកញ៉ា ថោង សារ៉ាត់ ប្រធានក្រុមហ៊ុនផ្ទះល្វែង៩៩៩ ទាក់ទៅទៅនិងការវាយបំផ្លាញរបងផ្ទះរបស់

ប្រជាពលរដ្ឋដើម្បីពង្រីកផ្លូវចូលទៅបុរីផ្ទះល្វែង៩៩៩ត្រូវបានតុលាការភ្នំពេញចាត់ការហើយ ដោយ

យកបណ្តឹងរបស់ឧកញ៉ា ថោង សារ៉ាត មកចាត់ការ ប៉ុន្តែសម្រាប់បណ្តឹងរបស់ប្រជាពលរដ្ឋវិញមិន

ត្រូវបានតុលការចាត់ការនោះទេ។

 នៅក្នុងសន្និសីទកាសែតនៅព្រឹកថ្ងៃទី០៨ ធ្នូ ប្រជាពលរដ្ឋបានអះអាងអោយដឹងថា តំណាងប្រជា

ពលរដ្ឋត្រូវបានចៅក្រមស៊ើបសួរ លី លីបម៉េង ចេញដីកាកោះហៅអោយចូលខ្លួនទៅកាន់តុលាការ

សាលាដំបូងរាជធានីភ្នំពេញដោយរងការចោទប្រកាន់ពីបទជេរប្រមាថជាសាធារណៈនិងគំរាម

គំហែងសម្លាប់។

 លោក លី លីបម៉េង ចៅក្រមស៊ើបសួរ កាលពីថ្ងៃទី២៣ វិច្ឆិកា បានចេញដីកាបង្គាប់អោយលោក

ផាង អេងសុង ចូលខ្លួនទៅកាន់តុលាការនៅថ្ងៃទី១២ ធ្នូដើម្បីសាកសួរពីដំណើររឿងជេរប្រមាថជា

សាធារណៈ និងកោះហៅលោកផាង កុសល អោយចូលខ្លួននៅថ្ងៃទី១៣ ធ្នូ ដើម្បីសាកសួរពីដំណើរ

រឿងជេរប្រមាថជាសាធារណៈ និងគំរាមគំហែងថាសម្លាប់។

ការចេញដីកាបង្គាប់អោយប្រជាពលរដ្ឋចូលគឺបន្ទាប់ពីលោកឧកញ៉ា ថោង សារ៉ាត បានដាក់ពាក្យ

ប្តឹងប្រជាពលរដ្ឋទៅកាន់តុលាការ។

 ចំណែកប្តឹងរបស់ប្រជាពលរដ្ឋដែលបានប្តឹងលោកឧកញ៉ា ថោង សារ៉ាត់ ប្រធានក្រុមហ៊ុនផ្ទះល្វែង

៩៩៩ ពីបទបំផ្លាញទ្រព្យសម្បត្តិរបស់ប្រជាពលរដ្ឋកាលពីថ្ងៃទី២៩ កក្កដា ឆ្នាំ២០១១ដោយចេតនា

មិនត្រូវបានតុលាការចាត់ការទេ។ប្រជាពលរដ្ឋបានអះអាងថា ការពង្រីកផ្លូវអោយតែរដ្ឋអំណាច

និងរដ្ឋាភិបាលត្រូវការគឺប្រជាពលរដ្ឋមិនប្រកែកទេនៅពេលដែលរដ្ឋាភិបាលត្រូវការ មិនមែនពង្រីក

ដើម្បីប្រយោជន៍បុគ្គលអញ្ចឹងទេ ពង្រីកដើម្បីចូលសំណង់របស់ខ្លួនធ្វើចឹងវាអយុត្តិធម៌ពេក ហើយ

សូមអោយព្រះរាជអាជ្ញានៅសាលាដំបូងរាជធានីភ្នំពេញធ្វើការស៊ើអង្កេតអោយបានច្បាស់លាស់

ដើម្បីផ្តល់យុត្តិធម៌។

លោកឧកញ៉ា ថោង សារ៉ាត់ ប្រធានក្រុមហ៊ុនផ្ទះល្វែង៩៩៩ មិនអាចសុំការអត្ថាធិប្បាយបានទេនៅ

រសៀលថ្ងៃទី០៨ ធ្នូ ទាក់ទងទៅនិងការលើកឡើងរបស់ប្រជាពលរដ្ឋថា ក្រុមហ៊ុនរបស់លោកវាយ

របងផ្ទះរបស់ប្រជាពលរដ្ឋដើម្បីពង្រីកផ្លូវចូលបុរីផ្ទះល្វែងរបស់ខ្លួននោះ។

សូមជម្រាបថា កាលពិថ្ងៃទី២៩ កក្កដា ឆ្នាំ២០១១ លោកឧកញ៉ា ថោង សារ៉ាត់បានបញ្ជាកូនចៅ

របស់ខ្លួនអោយវាយកំទេចរបងផ្ទះរបស់ប្រជាពលរដ្ឋនៅសង្កាត់បឹងទំពុន ខណ្ឌមានជ័យដើម្បីពង្រីក

ផ្លូវចូលទៅបុរីផ្ទះល្វែងរបស់ខ្លួនបានធ្វើអោយមានការតវ៉ាពីប្រជាពលរដ្ឋនៅទីនោះយ៉ាងខ្លាំងក្លារ

ហូតមានការប្តឹងផ្តល់គ្នាទៅតុលាការថែមទៀតផង ហើយត្រូវបានតុលាការចាត់ការដោយយក

បណ្តឹងរបស់ឧកញ៉ា ថោង សារ៉ាត់ មកចាត់ការ ចំណែកបណ្តឹងរបស់ប្រជាពលរដ្ឋដែលប្តឹងឧកញ៉ា 

ថោង សារ៉ាត់ មិនត្រូវបានចាត់ការទេ៕