កម្មវិធីស្ម័គ្រចិត្ដអង្គការសហប្រជាជាតិបានសិក្សារកឃើញថា ការងារស្ម័គ្រចិត្ដជាផ្នែកមួយដ៏សំខាន់ក្នុងការជួយជម្រុញឲ្យរដ្ឋាភិបាលនៃបណ្ដាប្រទេសនានាអាចឈានទៅសម្រេចបាននៅគោលដៅសហស្សវត្សរបស់អង្គការសហប្រជាជាតិនៅក្នុងពិធីប្រកាសរបាយការណ៍ស្ម័គ្រចិត្ដពិភពលោកនៅកម្ពុជាក្នុងរាជធានីភ្នំពេញនៅព្រឹកថ្ងៃព្រហស្បតិ៍ នេះ ។
អនុប្រធានផ្នែកអភិវឌ្ឍន៍មកពីការិយាល័យកណ្ដាលនៃកម្មវិធីអ្នកស្ម័គ្រចិត្ដអង្គការសហប្រជាជាតិអេឡែន យ៉េននីញមានប្រសាសន៍ថា កម្មវិធីអ្នកស្ម័គ្រចិត្ដជាផ្នែកសំខាន់ក្នុងការជម្រុញឲ្យប្រទេសសម្រេចបាននៅគោលដៅអភិវឌ្ឍន៍សហស្សវត្សនៅឆ្នាំ២០១៥ ។ ហេតុដូច្នេះរដ្ឋាភិបាលនៃប្រទេសនានាគួតែចាប់អារម្មណ៍ជម្រុញលើកទឹកចិត្ដឲ្យមានសកម្មភាពការងារអ្នកស្ម័គ្រចិត្ដកាន់តែច្រើនថែមទៀតនៅគោដៅសហស្សវត្សដែលបានដាក់ចេញដោយអង្គការសហប្រជាជាតិមានចំនួន៨ ចំណុចដែលប្រទេសដែលជាសមាជិកទាំងអស់រួមទាំងកម្ពុជាដែរផងនោះ ត្រូវសម្រេចឲ្យបាននៅឆ្នាំ២០១៥ ពេលខាងមុខនេះរួមមានទី១ កាត់បន្ថយភាពក្រីក្រ និងភាពអត់ឃ្លានទី២ សម្រេចការអប់រំជាមូលដ្ឋានឲ្យបាន៩ឆ្នាំ យ៉ាងតិច ទី៣ ផ្សព្វផ្សាយសមត្ថភាព និងកាត់បន្ថយភាពយ៉េនឌ័រ ត្រូវពង្រឹងអំណាចដល់ស្ដ្រី ទី៤ កាត់បន្ថយអត្រាស្លាប់របស់មាតា និងទារក ទី៥ លើកកម្ពស់ការថែទាំសុខភាព ទី៦ ប្រយុទ្ធប្រឆាំងនិងជំងឺអេដស៍ និងជំងឺឆ្លង ទី៧ ការពារបរិស្ថាន និងទី៨ ការអភិវឌ្ឍន៍ប្រកបដោយភាពជាដៃគូ ។
ក្នុងពិធីនោះអគ្គនាយកនៃនាយកដ្ឋានកីឡារបស់ក្រសួងអប់រំយុវជន និងកីឡាលោក ឡាក់សំអាតមានប្រសាសន៍ថា សព្វថ្ងៃកម្ពុជាមានសកម្មភាពអ្នកស្ម័គ្រចិត្ដជាច្រើន ដែលមានប្រភពមកពីអង្គការនានានិងអ្នកស្ម័គ្រចិត្ដតាមបែបព្រះពុទ្ធសាសនាជាដើម ។ ជាមួយគ្នានេះដែរលោកបានគូសបញ្ជាក់ថា សព្វថ្ងៃពិបាកក្នុងការរក្សាលំនឹងនៃចំនួនអ្នកស្ម័គ្រចិត្ដទាំងនោះ ពីព្រោះមិនមានខ្ទង់ចំណាយឲ្យបានជាក់លាក់នោះទេដែលជាហេតុធ្វើឲ្យមានការពិបាកក្នុងការងារនេះ ៕
វរជនខ្មែរ
No comments:
Post a Comment
yes