កូនគោចម្លែក
មានការភ្ញាក់ផ្អើលមួយកើតឡើងធ្វើឱ្យមនុស្សម្នានាំគ្នាទៅចោមរោមមើលដោយសារកូនគោមួយក្បាលកើតមកមានស្រកាដូចក្រពើដែលគេគិតថា ជារឿងចម្លែកមិនធ្លាប់ឃើញ ។ អ្នកស្រីសុខ វណ្ណា អាយុ៤២ឆ្នាំ ជាម្ចាស់គោនៅភូមិសាលារៀន ឃុំបាសាក ស្រុកស្វាយជ្រំ បានប្រាប់ថា កូនគោចម្លែកនេះបានកើតកាលពីវេលាម៉ោង១យប់រំលងអធ្រាត្រឈានចូលថ្ងៃទី៤ ធ្នូ ២០១១។
អ្នកស្រុកមើលកូនគោចម្លែក
គ្រាន់តែកើតរួចមេគោផ្អើលខ្លាចកូនវាស្ទុះកញ្ជ្រោលរហូតដាច់ខ្សែក្រឡុះ រួចបោលចេញពីក្រោលដូចជាភិតភ័យខ្លាំងណាស់ ។ ឯប្តីរបស់គាត់ក៏បានលើកកូនគោចេញពីក្រោលដែលខ្លួនកូនគោនេះស្ងួតមានស្រកា ឈាមបន្តិចក៏គ្មានស្រែកហៅប្រពន្ធឱ្យបំភ្លឺភ្លើងមើលកូនគោពេលចុចពិលមើលឃើញកូនគោឈ្មោលមានស្រកាស្ងួតដូចជាត្រូវនឹងកម្តៅថ្ងៃ ក៏លើកយកមកដាក់នៅមុខផ្ទះមើល ។ អ្នកស្រីប្រាប់ថា កូនគោ១ក្បាលនេះកើតមកភ្លាមបានបើកភ្នែកខ្មៅក្រឹបមើលគេមើលឯង ប៉ុន្តែវាហាក់ដូចជាអស់កម្លាំងពេលស្រកាវាស្ងួត។ អ្នកស្រីបន្តទៀតថា នៅម៉ោង១២ថ្ងៃត្រង់ក៏សាកល្បងយកទឹកមកលាបលើស្រកាវាដូចជាមានកម្លាំងឡើងវិញ ហើយបញ្ចុកទឹកដោះគោឱ្យវារស់ ព្រោះមេវាផ្អើលភ័យខ្លាចមិនឱ្យកូនបៅទេ ។
មេគោ ដែលកើតកូនចម្លែក
អ្នកដែលបានទៅឃើញផ្ទាល់ភ្នែកមានចម្ងល់ជាខ្លាំង ហើយរង់ចាំមើលថា តើកូនគោចម្លែកនេះអាចរស់នៅបានប៉ុន្មានថ្ងៃ?
កោះសន្តិភាព
No comments:
Post a Comment
yes