មានការភ្ញាក់ផ្អើលមួយទៀតបានកើតឡើងនៅមន្ទីរពេទ្យបង្អែកខេត្តកំពង់ឆ្នាំងដោយមានទារកចម្លែកមួយបានប្រសូតមកមានរូបរាងចម្លែកខុសធម្មតាដោយមានសណ្ឋានក្បាលធំជាងខ្លួននិងម្រាមដៃឆ្វេង៦និងជើងម្ខាងមានម្រាម៦លើសធម្មតា។ ទារកនេះបានប្រសូត្រចេញពីផ្ទៃម្ដាយ កាលពីវេលាម៉ោង៦ល្ងាចថ្ងៃទី៣០ ខែវិច្ឆិកាឆ្នាំ២០១១រហូតមកដល់ព្រឹកថ្ងៃទី១ខែធ្នូឆ្នាំ២០១១នេះទារកចម្លែកមួយនេះនៅមានជីវិតនៅឡើយទេ។
យោងតាមប្រភពព័ត៌មានដែលទទួលបានពីវេជ្ជបណ្ឌិតមន្ទីរពេទ្យបង្អែកខេត្ដកំពង់ឆ្នាំង បានឱ្យ ដឹងថាទារករូបនេះបានកើតចេញពីផ្ទៃម្ដាយមានទម្ងន់ ៤.៨ គីឡូក្រាម កាលពីល្ងាចថ្ងៃទី៣០ខែវិច្ឆិកា នៅក្នុងមន្ទីរពេទ្យបង្អែកខេត្តកំពង់ឆ្នាំង ដែលមានម្ដាយឈ្មោះ ខួន សុខខូយ អាយុ២៦ឆ្នាំ និងឪពុកឈ្មោះ ស៊ន ធី អាយុ២៩ឆ្នាំ រស់នៅឃុំចំបក់ប្រាសាទ ឃុំក្រាំងស្គៀ ស្រុកទឹកផុស ខេត្ដកំពង់ឆ្នាំង។
គួរបញ្ជាក់ថា កាលនៅវេលាម៉ោង ៥និង៤០នាទីល្ងាច ថ្ងៃទី២៩ ខែវិច្ឆិកា ឆ្នាំ២០១១ នៅក្នុងមន្ទីរ ពេទ្យបង្អែកខេត្តកំពតមានទារិកាម្នាក់កើតមកមិនគ្រប់ លក្ខណៈចំឡែកដោយគ្មាន លលាដ៏ក្បាលដៃ ជើងគ្រប់គ្រាន់ដូចទារកដ៏ទៃនិងគេដែរ ប៉ុន្តែទារិកានេះមានសុខភាពធម្មតា ដូចទារកដ៏ទៃទៀតដែលកើតមកមានគ្រប់លក្ខណៈ។
យោងតាមការរៀបរាប់លោក យន់ សុផា អាយុ២៧ ឆ្នាំមុខរបរកសិករ ជាឪពុកនិងម្តាយឈ្មោះ លឿត ឡា អាយុ២៨ឆ្នាំ មុខរបរដូចគ្នាជាម្ដាយទារិការចម្លែកឈ្មោះ យន់ សុផា បានប្រាប់ឲ្យកម្ពុជាថ្មីដឹងថា ប្រពន្ធរបស់លោក មិនអាចសម្រាល កូននៅស្រុកកំណើតបានទេ ព្រោះពេទ្យឆ្មបនៅទីនោះ គ្មានលទ្ធភាពក្នុងការសម្រាល ព្រោះការសម្រាលនេះ ត្រូវការវះកាត់ ដោយសារប្រពន្ធរបស់លោកពិបាកក្នុងការសម្រាលហើយឈឺពោះរយះពេល២ថ្ងៃ រហូតដល់ថ្ងៃកើត។
ឪពុកទារកចំម្លែកបានបន្តថាពិតមែនតែកូនគាត់បានកើតមកអភ័ព្វក៏ គាត់មិនដឹងធ្វើម្ដេចដែរនេះជាវាសនារបស់វាទោះជាយ៉ាងណាក៏គាត់ នៅតែខិតខំបីបាច់ថែរក្សាវាតាមព្រេងវាសនាទៅចុះ៕
កម្ពុជាថ្មី
No comments:
Post a Comment
yes