កូនគោចម្លែកមានស្រកាដូចក្រពើបានធ្វើឱ្យមានមនុស្សម្នាចង់មកមើលផ្ទាល់ភ្នែកមានទាំងខ្មែរ យួន និងអ្នកយកព័ត៌មានយួនខេត្តឡុងអាន មកថតរូបភាព និងសុំទិញកូនគោកចម្លែកនេះ តែម្ចាស់មិនព្រមលក់ ។ កូនគោចម្លែកនេះបានកើតកាលវេលាម៉ោង១រំលងអធ្រាត្រឈានចូលថ្ងៃទី៤ ធ្នូ ២០១១ ។
ទាក់ទិននឹងករណីនេះដែរ អ្នកស្រី សុខ វណ្ណា បានប្រាប់ថា នៅថ្ងៃទី៤ ធ្នូ វេលាម់ោង៦ល្ងាច កូនគោចម្លែកនេះបានស្លាប់ហើយប្តីរបស់គាត់បម្រុងយកទៅកប់ទាំងយប់តែត្រូវបានចាស់ទុំឃាត់ ដោយនិយាយថា ចាំព្រឹកឡើងសឹមកប់ ឬទុកឱ្យខាងគ្រូពេទ្យពិនិត្យមើលពីអាការចម្លែកនេះសិន លុះព្រឹកឡើងថ្ងៃទី៥ ធ្នូ កូនគោចម្លែកបានរស់ឡើងវិញ ហើយស្រែកយំឮថា ម៉ាម៉ា ម្តងទៀតឮសូយំថា ម៉រៗៗ លុះម៉ោង៦ព្រឹកប្តីគាត់ក៏បញ្ច្រកទឹកដោះគោចូលមាត់ លុះដល់ឆ្អែត។ មនុស្សម្នាមានការងឿងឆ្ងល់ដោយថា កូនគោចម្លែកស្លាប់ហើយរស់វិញ ធ្វើឱ្យល្បីតៗគ្នា និងឮដល់ប្រទេសយួន ក៏នាំគ្នារាប់រយនាក់មកមើលមានទាំងអ្នកយកព័ត៌មានខេត្តឡុងអាន និងថត VDEO ថតហ្វិចជាច្រើនប៉ុស្តិ៍ ហើយបានសុំទិញដោយឱ្យតម្លៃ១លានរៀល ដោយយួនចង់យកទៅឱ្យមជ្ឈមណ្ឌលចិញ្ចឹមសត្វក្រសួងកសិកម្មយួនថែទាំ និងយកទៅពិសោធន៍មើលរកមូលហេតុដែលកូនគោកើតមកមានស្រកាដូចក្រពើ ហើយចាញ់កម្តៅព្រះអាទិត្យ ប្រេះស្រកាដូច្នេះ តែអ្នកស្រីនិងប្តីមិនព្រមលក់។
រហូតមកដល់ម៉ោង២រសៀលថ្ងៃទី៥ ធ្នូ កូនគោនេះបានស្លាប់ម្តងទៀត ពេលនោះអ្នកសារព័ត៌មានយួននៅតែសុំទិញម្តងដដែល តែរូបគាត់នៅតែមិនលក់ឱ្យ ព្រោះចង់ទុកកូនគោចម្លែកនេះឱ្យអ្នកវិទ្យាសាស្ត្រខ្មែរពិសោធន៍នៅស្រុកខ្មែរក៏ប៉ុន្តែរហូតដល់ម៉ោង៦ល្ងាចពុំមានអាជ្ញាធរខ្មែរណាម្នាក់មកទាក់ទងគាត់ក៏សម្រេចចិត្តបញ្ចុះសពកូនគោនៅពីមុខវត្តនេះតែម្តង ហើយបាននិមន្តព្រះសង្ឃរាប់បាត្ររហូត៧ថ្ងៃ ចាប់ពីថ្ងៃទី៦នេះតទៅ ៕
កោះសន្តិភាព
No comments:
Post a Comment
yes