ការវាយប្រហារនៅក្នុងរដ្ឋធានីនិងនៅក្រុងម៉ាហ្សា អ៊ី សារីហ្វ ភាគខាងជើងបានកើតឡើងមួយថ្ងៃបន្ទាប់ពីមានកិច្ចប្រជុំអន្តរជាតិមួយនៅអាល្លឺម៉ង់ក្នុងបំណងដាក់ចេញមាគ៌ាមួយសំរាប់អាហ្វហ្កានីស្ថាន នៅរយៈពេល១០ឆ្នាំបន្ទាប់ពីកងកម្លាំងដែលដឹកនាំដោយអាមេរិកបានបណ្តេញពួកតាលីបង់ចេញពីអំណាច។
ការផ្ទុះនៅក្រុងកាប៊ុលកាលពីថ្ងៃអង្គារជាការវាយប្រហារផ្តាច់ផ្តិលជីវិតច្រើនបំផុតនៅក្នុងរដ្ឋធានីក្នុងរយៈពេល៣ឆ្នាំមកនេះ។ក្រុមតាលីបង់បានថ្កោលទោសការវាយប្រហារនេះថា"អមនុស្សធម៌"និងបានទម្លាក់ការទទួលខុសត្រូវលើ"សត្រូវឈ្លានពាន"។
ការផ្ទុះបានកើតឡើងនៅច្រកចូលទៅកាន់ទីសក្ការនៅមាត់ទន្លេនៅកណ្តាលក្រុង កន្លែងដែលមនុស្សរាប់រយនាក់ដែលច្រៀងចំរៀងអ៊ិស្លាមនិកាយស៊ីអ៊ីតបានជួបជុំគ្នាដើម្បីកត់សំគាល់បុណ្យAshura ដោយប្រុសៗវាយវាត់លើខ្នងទទេរបស់គេជាផ្នែកនៃការកាន់ទុក្ខតាមបែបប្រពៃណី។
អ្នកនាំពាក្យក្រសួងសុខាភិបាលបានប្រាប់ទីភ្នាក់ងារសារព័ត៌មានថាមនុស្ស៥៤នាក់បានស្លាប់ក្នុងការវាយប្រហារនៅក្រុងកាប៊ុលនិង១៥០នាក់ទៀតរងរបួស។
មនុស្ស៤នាក់បានស្លាប់នៅក្រុងម៉ាហ្សា អ៊ី សារីហ្វនៅពេលការផ្ទុះមួយបានវាយប្រហារទីសក្ការមួយនៅក្នុងទីក្រុងនេះ តែមិនទាន់ដឹងថាតើពួកស៊ីអ៊ីតជាគោលដៅដែរឬអត់។
នៅមិនទាន់មានការអះអាងទទួលខុសត្រូវចំពោះការវាយប្រហារទាំងពីរ ដែលត្រូវបានប្រធានាធិបតីហាមីត កាហ្សៃថ្កោលទោស៕
CEN
No comments:
Post a Comment
yes