អ្នកភូមិប្រហែល ៥០នាក់ បានធ្វើដំណើរមកទីក្រុងភ្នំពេញតាំងពីយប់ថ្ងៃអង្គារ ហើយមានផែនការស្នាក់នៅវត្តបុទុមវត្ដី ប៉ុន្តែ នគរបាលខណ្ឌដូនពេញ ពុំអនុញ្ញា និងនាំពួកគេទៅស្នាក់នៅវត្តគៀនឃ្លាំង ហើយអ្នកភូមិបានដើរពីវត្តគៀនឃ្លាំងមកកាន់តុលាការកំពូលនៅវេលាម៉ោង ៣ព្រឹកថ្ងៃពុធនេះ។
លោក រាជ សីមា តំណាងអ្នកភូមិ បានប្រាប់ថា ក្រុមអ្នកភូមិធ្វើដំណើរមកភ្នំពេញ ព្រោះលោកគឺជាតំណាងអ្នកភូមិ ដូច្នេះពួកគេចង់ដឹងពីរបៀបដែលតុលាការកំពូលនឹងចាត់ការមកលើករណីនេះ ពីព្រោះតុលាការដំបូង និងឧទ្ធរណ៍ខេត្តកំពង់ឆ្នាំង បានកាត់ទោសគាត់ដោយគ្មានភស្តុតាង។
លោក សីមា មានប្រសាសន៍ថា៖ «យើងចង់ដឹងពីរបៀបដែលតុលាការកំពូលនឹងកាត់ទោសប្រជាជនគ្មានកំហុស ពីព្រោះលោកបានទទួលអយុត្តិធម៌រួចហើយពីការសម្រេចរបស់តុលាការខេត្ត»។
ភ្នំពេញប៉ុស្តិ៏
No comments:
Post a Comment
yes