អតិថិជនរបស់ក្រុមហ៊ុនបណ្ដាញទូរស័ព្ទចល័តមិត្តហ្វូនប្រហែល ២០នាក់ បានប្រមូលផ្ដុំគ្នាតវ៉ានៅមុខការិយាល័យកណ្ដាលរបស់ក្រុមហ៊ុននេះ នៅព្រឹកថ្ងៃអង្គារនេះ ដើម្បីទាមទារឲ្យក្រុមហ៊ុនផ្ដល់រង្វាន់ទូរស័ព្ទដៃ iPhone 4 ម្នាក់មួយគ្រឿង ទៅតាមការសន្យាផ្ដល់ឲ្យពីក្រុមហ៊ុន។
អតិថិជនម្នាក់អះអាងថាឈ្មោះ រិទ្ធ បានប្រាប់ឲ្យដឹងថា ពួកគាត់បាននាំគ្នាមកតវ៉ានៅមុខក្រុមហ៊ុនមិត្តហ្វូន ដើម្បីទាមទារឲ្យក្រុមហ៊ុនផ្ដល់រង្វាន់ទូរស័ព្ទដៃតាមការសន្យា មួយថ្ងៃក្រោយពីពួកគេបានទទួលសារមួយពីក្រុមហ៊ុននេះ ដែលបញ្ជាក់ថា ពួកគេបានឈ្នះរង្វាន់ទូរស័ព្ទ iPhone ម្នាក់មួយគ្រឿង តាមរយៈកម្មវិធីលេងហ្គេមតាមទូរស័ព្ទ។
អតិថិជនរូបនេះ បានបញ្ជាក់នៅអំឡុងពេលកំពុងតវ៉ាយ៉ាងតឹងសរសៃរកជាមួយភាគីក្រុមហ៊ុនថា ក្រុមហ៊ុនបណ្ដាញទូរស័ព្ទចល័តមួយនេះ បានព្យាយាមសម្របសម្រួលដោយផ្ដល់ជាកាតបញ្ជូលទឹកប្រាក់ក្នុងទូរស័ព្ទម្នាក់ ៥ដុល្លារ ប៉ុន្តែ ពួកគាត់បានបដិសេធទទួលយកសំណើរបស់ក្រុមហ៊ុន ហើយបានចោទប្រកាន់ថា ក្រុមហ៊ុននេះបានបោកប្រាស់អតិថិជន។
ភាគីក្រុមហ៊ុននេះ បានថ្លែងសុំទោសចំពោះអតិថិជន ដោយបាននិយាយថា សារដែលអតិថិជនបានទទួលនោះ បណ្ដាលមកពីកំហុសឆ្គងផ្នែកបច្ចេកទេស(system error)។ភ្នំពេញប៉ុស្តិ៏
No comments:
Post a Comment
yes