រញ្ជួយដីកម្រិត ៦.៨ រិកទ័រ វាយប្រហារ ប្រទេសជប៉ុន

​CNN៖ ក្រុមអ្នកភូមិវិទ្យារបស់អាមេរិក បានរាយកាណ៍ថា ការរញ្ជួយដីដ៏ខាំ្លង ដែលមាន កម្រិតរញ្ជួយ ៦.៨ រិកទ័រ នោះបានវាយប្រហារ ទៅលើឈូងសមុទ្រ ប្រទេសជប៉ុន កាលពី យប់ថ្ងៃអាទិត្យ ទី០១ ខែមករា ម្សិលមិញនេះ។


យោងតាមគេហទំព័រ ស៊ីអិនអិន ចេញផ្សាយថ្ងៃចន្ទ ទី០២ ខែមករា ឆ្នាំ ២០១២ នេះបានឲ្យ ដឹងពី ក្រុមអ្នកជំនាញខាងភូមិវិទ្យារបស់អាមេរិកថា ហេតុការណ៍រញ្ជួយដីនេះដែរ បានវាយ ប្រហារ​ទិសនិរតី ភាគខាងត្បូងដែលមានចម្ងាយ ៤៦៨ គីឡូម៉ែត្រ ពីទីក្រុងតូក្យូ និង មាន ជម្រៅ ៣៤៨ គីឡួម៉ែត្រផងដែរ។


ភ្លាមៗនោះដែរ គ្មានសេចក្តីរាយការណ៍ណាមួយអំពី ចំនួនអ្នករងរបួស និង ទំហំនៃការខូច ខាត​នោះទេ។ គួរបញ្ជាក់ផងដែរថា មជ្ឈមណ្ឌលប៉ាស៊ីហ្វិកស៊ូណាមិ មិនបានចេញផ្សាយអំពី ការព្រ​មាន​ណាមួយ អំពីរលកយក្សស៊ូណាមិទេ។


ក្រុមអ្នកជំនាញផ្នែកភូមិវិទ្យារបស់អាមេរិក បានព្យាករណ៍ថា កម្រិតរញ្ជួយដំបូង មានទៅដល់ ៧.០ ប៉ុន្តែ ក្រោយមកធ្លាក់មកនៅ ៦.៨ រិកទ័រវិញ៕








DAP-NEWS