អ៊ុងសាន ស៊ូជី គូសបញ្ជាក់ទៅលើ វេទិកាសេដ្ឋកិច្ច ពិភពលោកថា មីយ៉ាន់ម៉ា ក៏មានចំណែក មួយក្នុងសហគមន៍ ពិភពលោកដែរ

 មីយ៉ាន់ម៉ា៖ យោងតាម គេហទំព័រសហភាព មីយ៉ាន់ម៉ា “ម៉ីហ្ស៊ីម៉ា” ចុះផ្សាយនៅថ្ងៃ ទី២៧ ខែមករា ឆ្នាំ២០១២ ថា លោកស្រី អ៊ុងសាន ស៊ូជី បានគូសបញ្ជាក់ ទៅលើវេទិកាសេដ្ឋកិច្ច ពិភពលោកថា មីយ៉ាន់ម៉ា ក៏មាន ចំណែក មួយ ក្នុងសហគមន៍ពិភពលោកដែរ ។

ឆ្លាតក្នុងឱកាសនៃការចូលរួមនៅក្នុងវេទិកាសេដ្ឋកិច្ចពិភពលោក ដែលរៀបចំឡើងនៅទីក្រុង ដាវូស “Davos ” ប្រទេស ស្វីតហ្សឺឡែន កាលពីថ្ងៃមិ្សលមិញនេះ លោកស្រីបានប្រាប់​ដល់គណៈ​ប្រតិភូ​ទាំងឡាយ ខណៈដែល លោកស្រីចូលរួមក្នុងពិធីប្រគំតន្ដ្រីនាទីក្រុង រ៉ង់ហ្គូន ថា មីយ៉ាម៉ា “ក៏ មាន​ចំណែកមួយនៅក្នុងសហគមន៍ ពិភពលោកដែរ” និងទទួលបានជោគ​ជ័យក្នុងការ​សម្រប​សម្រួល​នៅថ្នាក់ជាតិ ។

លោកស្រី អ៊ុងសាន ស៊ូជី បានថ្លែងបញ្ជាក់ថា “យើងមានបំណងចង់ចូលរួម និងជាផ្នែក​មួយនៃ​សហគមន៍ពិភព លោកប៉ុណ្ណោះទេ ថែមទាំងបានផ្សារភ្ជាប់ផ្នែកសេដ្ឋកិច្ច និងសង្គមផងដែរ ដោយ​កំណើនសេដ្ឋកិច្ច និងសង្គម មានស្ថេរភាព និងការសម្របសម្រួលផ្ទៃក្នុង​ផ្នែកនយោបាយក៏​ប្រសើរ​ដែរ ហើយយើងត្រូវការពលរដ្ឋរបស់យើង ដើម្បី រួមគ្នាធ្វើកិច្ចការទាំងនេះទទួលបានជោគជ័យ” ។

គួរបញ្ជាក់ថា លោកស្រី អ៊ុងសាន ស៊ូជី នឹងឈរឈ្មោះជាបេក្ខជន ជាប្រធានាធិបតីថ្មី ខណៈដែល​កាល បរិច្ឆេទ នៃការបោះឆ្នោតនឹងធ្វើឡើងនៅក្នុងខែមេសាខាងមុខនេះ ។ លោកស្រី អ៊ុងសាន ស៊ូជី បានគូសបញ្ជាក់ថា “ទោះ បីជាកន្លងមក លោកស្រីមិនបានចូលរួមជាមួយពិភពលោក” ប៉ុន្ដែលោក​ស្រីនៅតែនឹកដល់ពិភពលោកជា ដរាប។

នៅក្នុងសុន្ទរកថារបស់លោកស្រី អ៊ុងសាន មានខ្លឹមសារថា រូបខ្ញុំស្នើឱ្យមានការវិនិយោគទុន​ឱ្យកា​ន់​តែច្រើន ឡើង ថែមទៀតនៅក្នុងប្រទេសមីយ៉ាន់ម៉ា និងមានការទទួលខុសត្រូវដោយស្របច្បាប់ ពិសេស គឺផ្ដល់​សិទ្ធិ គ្រប់គ្រាន់ដល់ កម្មករនិយោជិក និងការជួយបង្កើនជំនាញ​ជាច្រើនដល់​ពួកគេ​ផងដែរ ។

សូមបញ្ជាក់ដែរថា ជារៀងរាល់ឆ្នាំ វេទិកាសេដ្ឋកិច្ចពិភពលោក ដែលរៀបចំឡើងនៅទីក្រុង ដេវ៉ូស​នេះ គឺមាន សមាជិកក្រុមហ៊ុនប្រមាណជាង២,៥០០ក្រុមហ៊ុនចូលរួមក្នុងវេទិកានេះ ហើយវេទិកា​នេះ​មានរយៈពេល៥ថ្ងៃ ដោយបើកអង្គសិក្ខាសាលា និងពិភាក្សាគ្នាលើវិស័យសេដ្ឋកិច្ច និងកិច្ចការវប្ប​ធម៌ផងដែរ ៕

DAP-NEWS