(ថ្ងៃទី 27 មេសា 2012, ម៉ោង 10:07:AM) | ដោយ: សិលា
: CEN
1 of 2 
កោះកុង: មន្ដ្រីអង្គការសិទិ្ធមនុស្សប្រចាំនៅខេត្តកោះកុង បានឲ្យដឹងកាលពីព្រឹកថៃ្ងទី២៧ ខែមេសា ឆ្នាំ២០១២ ថា សាកសពរបស់លោក ឈុត វុទី្ធ ប្រធានអង្គការការពារធនធានធម្មជាតិ និងលោក អ៊ិន រតនា ប៉េអឹមខេត្តកោះកុង ត្រូវបានបញ្ជូនដល់មនី្ទរពេទ្យបងែ្អកខេត្តកោះកុង កាលពីវេលាម៉ោងប្រហែល ៨ និង ២០នាទី យប់ថៃ្ងទី២៦ ខែមេសា ឆ្នាំ២០១២។
លោក នាង បូរ៉ាទីណូ មន្ដ្រីអាដហុកប្រចាំខេត្តកោះកុង បានឲ្យដឹងថា ពេលសាកសពដឹកមកដល់ ត្រូវខាងមនី្ទរពេទ្យ រួមទាំងមន្ដ្រីជាប់ពាក់ព័ន្ធ ធើ្វការសែ្កន ពិនិត្យឃើញថា លោក ឈុត វុទី្ធ រងរបួសមួយគ្រាប់ ត្រូវចំជង្គង់ខាងស្តាំ ប្លាតដល់ពោះក្រោមផិ្ចត។ ចំណែកប៉េអឹម ឈ្មោះ អ៊ិន រតនា អាយុ ៣២ឆ្នាំ ត្រូវពីរគ្រាប់ ចំដើមទ្រូងខាងធេ្វង និងក្បែរសួតខាងស្តាំ។ គ្រាប់កាំភើ្លងដែលត្រូវអ្នកទាំងពីរ គឺជាប្រភេទគ្រាប់ប្រ៉ាយ។
រហូតមកដល់ម៉ោង ៩ និង ៣០នាទី ព្រឹកថៃ្ងទី២៧ ខែមេសា ឆ្នាំ២០១២ ស្ត្រីអ្នកកាសែត The Cambodia Daily ដែលនៅក្នុងហេតុការណ៍នោះ ត្រូវបានប៉េអឹមខេត្តកោះកុង សាកសួររួចរាល់ហើយ។ តែស្ត្រីអ្នកកាសែត បានបដិសេធពុំធ្វើអត្ថាធិប្បាយជុំវិញហេតុការណ៍ដែលបានកើតឡើងនោះទេ។
សូមរម្លឹកថា ប៉េអឹម និងសកម្មជនសិទ្ធិមនុស្ស បានអះអាងថា លោក ឈុត វុទ្ធី អាយុ ៤៥ឆ្នាំ ប្រធានអង្គការការពារធនធានធម្មជាតិ ត្រូវបានគេបាញ់សម្លាប់ រួមជាមួយនឹងប៉េអឹមម្នាក់ គឺឈ្មោះ អ៊ិន រតនា អាយុ ៣២ឆ្នាំ កាលពីម៉ោង ១២ និង ៣០នាទី រសៀលថ្ងៃទី២៦ ខែមេសា ឆ្នាំ២០១២ នៅចំណុចវាលបី ក្នុងឃុំបាក់ខ្លង ស្រុកមណ្ឌលសីមា ខេត្តកោះកុង។
ចំណែកស្ត្រីអ្នកកាសែតពីរនាក់ របស់កាសែត The Cambodia Daily ត្រូវបានចាប់ឃាត់ខ្លួនដើម្បីសាកសួរ។ លោក ឈុត វុទ្ធី បានជូនដំណើរអ្នកកាសែតទាំងពីរនោះ ទៅស៊ើបអង្កេតពីក្រុមកាប់ឈើខុសច្បាប់ នៅក្នុងតំបន់ព្រៃការពារភ្នំក្រវាញភាគកណ្តាល។
មូលហេតុដែលនាំដល់ការបាញ់សម្លាប់សកម្មជនបរិស្ថានដ៏សកម្មនោះ មិនត្រូវបានបញ្ជាក់ច្បាស់លាស់នៅឡើយទេ។ ប៉ុន្តែបើតាមប៉េអឹម មន្ត្រីអង្គការបរិស្ថានបានព្យាយាមថតរូបនៅក្នុងក្រុមហ៊ុនមួយ ដែលគេមិនអនុញ្ញាតឲ្យថតរូប ហើយគាត់នៅតែព្យាយាមថត។ ចំណែកក្រុមហ៊ុនបានសុំឲ្យកងរាជអាវុធហត្ថ ឬប៉េអឹម ដែលការពារក្រុមហ៊ុន ធ្វើអន្តរាគមន៍ ហើយក្រោយមកក៏មានការបាញ់នោះកើតឡើងតែម្តង។
សាកសពរបស់លោក ឈុត វុទ្ធី ត្រូវបានក្រុមគ្រួសារដឹកយកទៅធ្វើបុណ្យ នៅភូមិស្វាយមាស ឃុំវិហារសួគ៌ ស្រុកខ្សាច់កណ្តាល ខេត្តកណ្តាល៕
លោក នាង បូរ៉ាទីណូ មន្ដ្រីអាដហុកប្រចាំខេត្តកោះកុង បានឲ្យដឹងថា ពេលសាកសពដឹកមកដល់ ត្រូវខាងមនី្ទរពេទ្យ រួមទាំងមន្ដ្រីជាប់ពាក់ព័ន្ធ ធើ្វការសែ្កន ពិនិត្យឃើញថា លោក ឈុត វុទី្ធ រងរបួសមួយគ្រាប់ ត្រូវចំជង្គង់ខាងស្តាំ ប្លាតដល់ពោះក្រោមផិ្ចត។ ចំណែកប៉េអឹម ឈ្មោះ អ៊ិន រតនា អាយុ ៣២ឆ្នាំ ត្រូវពីរគ្រាប់ ចំដើមទ្រូងខាងធេ្វង និងក្បែរសួតខាងស្តាំ។ គ្រាប់កាំភើ្លងដែលត្រូវអ្នកទាំងពីរ គឺជាប្រភេទគ្រាប់ប្រ៉ាយ។
រហូតមកដល់ម៉ោង ៩ និង ៣០នាទី ព្រឹកថៃ្ងទី២៧ ខែមេសា ឆ្នាំ២០១២ ស្ត្រីអ្នកកាសែត The Cambodia Daily ដែលនៅក្នុងហេតុការណ៍នោះ ត្រូវបានប៉េអឹមខេត្តកោះកុង សាកសួររួចរាល់ហើយ។ តែស្ត្រីអ្នកកាសែត បានបដិសេធពុំធ្វើអត្ថាធិប្បាយជុំវិញហេតុការណ៍ដែលបានកើតឡើងនោះទេ។
សូមរម្លឹកថា ប៉េអឹម និងសកម្មជនសិទ្ធិមនុស្ស បានអះអាងថា លោក ឈុត វុទ្ធី អាយុ ៤៥ឆ្នាំ ប្រធានអង្គការការពារធនធានធម្មជាតិ ត្រូវបានគេបាញ់សម្លាប់ រួមជាមួយនឹងប៉េអឹមម្នាក់ គឺឈ្មោះ អ៊ិន រតនា អាយុ ៣២ឆ្នាំ កាលពីម៉ោង ១២ និង ៣០នាទី រសៀលថ្ងៃទី២៦ ខែមេសា ឆ្នាំ២០១២ នៅចំណុចវាលបី ក្នុងឃុំបាក់ខ្លង ស្រុកមណ្ឌលសីមា ខេត្តកោះកុង។
ចំណែកស្ត្រីអ្នកកាសែតពីរនាក់ របស់កាសែត The Cambodia Daily ត្រូវបានចាប់ឃាត់ខ្លួនដើម្បីសាកសួរ។ លោក ឈុត វុទ្ធី បានជូនដំណើរអ្នកកាសែតទាំងពីរនោះ ទៅស៊ើបអង្កេតពីក្រុមកាប់ឈើខុសច្បាប់ នៅក្នុងតំបន់ព្រៃការពារភ្នំក្រវាញភាគកណ្តាល។
មូលហេតុដែលនាំដល់ការបាញ់សម្លាប់សកម្មជនបរិស្ថានដ៏សកម្មនោះ មិនត្រូវបានបញ្ជាក់ច្បាស់លាស់នៅឡើយទេ។ ប៉ុន្តែបើតាមប៉េអឹម មន្ត្រីអង្គការបរិស្ថានបានព្យាយាមថតរូបនៅក្នុងក្រុមហ៊ុនមួយ ដែលគេមិនអនុញ្ញាតឲ្យថតរូប ហើយគាត់នៅតែព្យាយាមថត។ ចំណែកក្រុមហ៊ុនបានសុំឲ្យកងរាជអាវុធហត្ថ ឬប៉េអឹម ដែលការពារក្រុមហ៊ុន ធ្វើអន្តរាគមន៍ ហើយក្រោយមកក៏មានការបាញ់នោះកើតឡើងតែម្តង។
សាកសពរបស់លោក ឈុត វុទ្ធី ត្រូវបានក្រុមគ្រួសារដឹកយកទៅធ្វើបុណ្យ នៅភូមិស្វាយមាស ឃុំវិហារសួគ៌ ស្រុកខ្សាច់កណ្តាល ខេត្តកណ្តាល៕
No comments:
Post a Comment
yes