លោក អ៊ឹង ប៊ុនលាភ
លោក អ៊ឹង ប៊ុនលាភ និងភរិយា
ភ្នំពេញ: នៅចន្លោះពេលដែលបានចាកចេញពីផ្ទះដោយគ្មានដំណឹង អស់រយៈពេលជាងមួយខែមកនោះ លោក អ៊ឹង ប៊ុនលាភ តារាចម្រៀងម្ចាស់បទ “រំដួលដូរដី” បានលេចមុខជាបន្តបន្ទាប់ មកសាលាដំបូងរាជធានីភ្នំពេញ ដើម្បីដាក់ពាក្យបណ្តឹងចំនួនពីរលើក ពោលគឺលើកទី១ បានដាក់ពាក្យបណ្តឹងសុំដីកាសម្រេចរក្សាការពារ ប្រយោជន៍ដើម្បីហាមឃាត់កុំឱ្យភរិយាតាមរំខានដល់ជីវិតរស់នៅ និងលើកទី២ ដាក់ពាក្យសុំលែងលះភរិយា ដោយសម្អាងថា ការរួមរស់នៅជាមួយគ្នាកន្លងមក គឺមានរូបភាពជាអនីតិសង្វាស ហើយពុំមានការចុះសម្រុងគ្នាទេ។
បន្ទាប់ពីបានទទួលពាក្យបណ្តឹងលើកទី១ រួចមក កាលពីថ្ងៃទី២០ ខែមិថុនា ឆ្នាំ២០១២ សាលាដំបូងរាជធានីភ្នំពេញ បានចេញដីកាសម្រេចរក្សាការពារ ហាមឃាត់មិនឱ្យអ្នកស្រី ម៉ុក ភក្តី បង្កការរំខានដល់ជីវិតរស់នៅ និងជីវភាពឯកជន របស់តារាចម្រៀង អ៊ឹង ប៊ុនលាភ ដែលត្រូវជាស្វាមី ចាប់ពីថ្ងៃនេះតទៅ។
ការចេញដីកាហាមឃាត់នេះ បានកើតឡើងក្រោយពេលដែលលោក អ៊ឹង ប៊ុនលាភ បានចាកចេញពីផ្ទះអស់រយៈពេលជិតមួយខែមកហើយ ដោយពុំដឹងថាទៅលាក់ខ្លួននៅទីណាទេ។ ប៉ុន្តែនៅថ្ងៃទី១៩ ខែមិថុនា ឆ្នាំ២០១២ លោក អ៊ឹង ប៊ុនលាភ បានទៅសាលាដំបូងរាជធានីភ្នំពេញ ដើម្បីដាក់ពាក្យបណ្តឹង បង្កជាសំណុំរឿងរក្សាការពារ លេខ២៤១ ចុះថ្ងៃទី១៩ ខែមិថុនា ឆ្នាំ២០១២ ដែលតុលាការបានលើកយកមកចាត់ការជាបន្តបន្ទាប់តាមនីតិវិធី ដោយពុំចាំបាច់កោះអញ្ជើញអ្នកស្រី ម៉ុក ភក្តី មកធ្វើការសាកសួរទេ។
បន្ទាប់ពីបានទទួលពាក្យបណ្តឹងលើកទី១ រួចមក កាលពីថ្ងៃទី២០ ខែមិថុនា ឆ្នាំ២០១២ សាលាដំបូងរាជធានីភ្នំពេញ បានចេញដីកាសម្រេចរក្សាការពារ ហាមឃាត់មិនឱ្យអ្នកស្រី ម៉ុក ភក្តី បង្កការរំខានដល់ជីវិតរស់នៅ និងជីវភាពឯកជន របស់តារាចម្រៀង អ៊ឹង ប៊ុនលាភ ដែលត្រូវជាស្វាមី ចាប់ពីថ្ងៃនេះតទៅ។
ការចេញដីកាហាមឃាត់នេះ បានកើតឡើងក្រោយពេលដែលលោក អ៊ឹង ប៊ុនលាភ បានចាកចេញពីផ្ទះអស់រយៈពេលជិតមួយខែមកហើយ ដោយពុំដឹងថាទៅលាក់ខ្លួននៅទីណាទេ។ ប៉ុន្តែនៅថ្ងៃទី១៩ ខែមិថុនា ឆ្នាំ២០១២ លោក អ៊ឹង ប៊ុនលាភ បានទៅសាលាដំបូងរាជធានីភ្នំពេញ ដើម្បីដាក់ពាក្យបណ្តឹង បង្កជាសំណុំរឿងរក្សាការពារ លេខ២៤១ ចុះថ្ងៃទី១៩ ខែមិថុនា ឆ្នាំ២០១២ ដែលតុលាការបានលើកយកមកចាត់ការជាបន្តបន្ទាប់តាមនីតិវិធី ដោយពុំចាំបាច់កោះអញ្ជើញអ្នកស្រី ម៉ុក ភក្តី មកធ្វើការសាកសួរទេ។
តាមប្រភពមួយបានបញ្ជាក់ថា លោក អ៊ឹង ប៊ុនលាភ រស់នៅជាមួយភរិយាឈ្មោះ ម៉ុក ភក្តី ក្នុងភាពជាអនីតិសង្វាស តាំងពីឆ្នាំ២០០៦មក ពោលគឺបានន័យថា ពួកគេបានរៀបការហើយ តែពុំចុះសំបុត្រអាពាហ៍ពិពាហ៍។ ក្រោយមកចំណងស្នេហានេះ មានភាពរកាំរកូស បានកើតឡើងជាបន្តបន្ទាប់ ដោយសារតែភាគីខាងភរិយា តែងតែរិះរកគ្រប់មធ្យោបាយរំខានដល់ជីវិតរស់នៅ និងជីវភាពឯកជនរបស់លោក អ៊ឹង ប៊ុនលាភ ក្នុងនោះក៏មានដល់ការគំរាមកំហែងដល់អាយុជីវិតផងដែរ។ ដូច្នេះហើយទើបលោក អ៊ឹង ប៊ុនលាភ សំណូមពរឱ្យតុលាការចេញដីការក្សាការពារ ហាមឃាត់ភរិយារបស់លោកកុំឱ្យបង្កសកម្មភាពនេះទៀត។
យោងតាមការបញ្ជាក់នេះ នៅថ្ងៃទី២០ ខែមិថុនា ឆ្នាំ២០១២ លោកចៅក្រម តែ សំអាង បានចេញដីកាសម្រេចរក្សាការពារ តាមសំណូមពរ រួចបញ្ជូនដីកានេះទៅឱ្យអ្នកស្រី ម៉ុក ភក្តី ដែលមានទីលំនៅនៅភូមិត្នោតជ្រុំ សង្កាត់បឹងទំពុន ខណ្ឌមានជ័យ ដើម្បីជ្រាបជាព័ត៌មាន។
បន្ទាប់ពីបានចេញដីកាសម្រេចការពារនេះរួចហើយ នៅរសៀលថ្ងៃទី១២ ខែកក្កដា ឆ្នាំ២០១២ សាលាដំបូងរាជធានីភ្នំពេញ បានលើកយកបណ្តឹងលែងលះ មកចាត់ការចំពោះមុខលោក អ៊ឹង ប៊ុនលាភ តែកំបាំងមុខភរិយា ដែលពុំបានចូលខ្លួនមកក្នុងដំណាក់កាលត្រៀមទាញហេតុផល នៅចំពោះមុខចៅក្រមទេ។
ទោះជាយ៉ាងនេះក្តី ក៏តុលាការបានដំណើរការរឿងនេះតាមនីតិវិធីដដែល ដោយសម្អាងថា ការពុំព្រមចូលខ្លួនរបស់ភរិយាលោក អ៊ឹង ប៊ុនលាភ ពុំមែនជាឧបសគ្គក្នុងចំណាត់ការក្នុងរឿងក្តីនេះទេ ព្រោះលោក អ៊ឹង ប៊ុនលាភ រស់នៅជាមួយភរិយានាពេលកន្លងមក ពុំមានសំបុត្រអាពាហ៍ពិពាហ៍ទេ ពោលគឺរស់នៅតាមរូបភាពអនីតិសង្វាស ដែលតុលាការអាចលើករឿងក្តីនេះមកចាត់ការបានតាមច្បាប់។
ចំពោះមូលហេតុនៃការប្តឹងលែងលះនេះ ពុំមានប្រភពណាបញ្ជាក់ឱ្យដឹងជាផ្លូវការនោះទេ គ្រាន់តែបង្ហើបឱ្យដឹងថា ក្នុងពាក្យបណ្តឹង លោក អ៊ឹង ប៊ុនលាភ បញ្ជាក់ថា ការរស់នៅមិនចុះសម្រុងគ្នា នាំឱ្យអស់មនោសញ្ចេតនាជាស្វាមីភរិយា ដែលពុំអាចរស់នៅជាមួយគ្នាបានតទៅទៀត។
ទាក់ទិននឹងបញ្ហាខាងលើនេះ គេហទំព័រ CEN មិនអាចសុំការបំភ្លឺពីលោក អ៊ឹង ប៊ុនលាភ និងអ្នកស្រី ម៉ុក ភក្តី បានទេ នារសៀលថ្ងៃទី១៣ ខែកក្កដា ឆ្នាំ២០១២នេះ។
គួរបញ្ជាក់ថា លោក អ៊ឹង ប៊ុនលាភ បានចេញពីផ្ទះនៅម៉ោង ៥ និង ៣០នាទី ល្ងាចថ្ងៃទី២៨ ខែឧសភា ឆ្នាំ២០១២ ដែលមានខោអាវជាប់នឹងខ្លួនមួយសម្រាប់ ថែមទាំងមិនបានយកទូរស័ព្ទទៅជាមួយទៀតផង។ ខណៈនោះ លោក អ៊ឹង ប៊ុនលាភ បានប្រាប់ភរិយាគាត់ថា ទៅហូបបាយជាមួយមិត្តភក្តិមួយភ្លែត នឹងត្រឡប់មកវិញ។
នៅពេលដែលលោក អ៊ឹង ប៊ុនលាភ ចេញពីផ្ទះមិនឃើញត្រឡប់មកវិញ ធ្វើឱ្យអ្នកស្រី ម៉ុក ភក្តី ជាភរិយា ស្វះស្វែងតាមរក តែមិនជួប រហូតមកដល់រយៈពេលជិតមួយខែ ស្រាប់តែលេចដំណឹងពីលោក អ៊ឹង ប៊ុនលាភ តាមរយៈការចេញមុខមកប្តឹងនៅតុលាការ ដោយសុំហាមឃាត់ភរិយាកុំឱ្យបង្កការរំខានខ្លួនគាត់ទៅវិញ៕
No comments:
Post a Comment
yes