ផ្សែងហុយចេញពីកន្លែងផ្ទុះ ក្នុងហាម៉ា ដែលសម្លាប់មនុស្ស។ Reuters
ក្រុងបៃរូត: ក្រុមជំទាស់បាននិយាយថា កងកម្លាំងស៊ីរីបានបាញ់សម្លាប់ជនស៊ីវិល៤នាក់នៅលើរថយន្តក្រុង មួយកាលពីថ្ងៃពុធ ហើយការប្រយុទ្ធគ្នាបានពុះកញ្ជ្រោលឡើងនៅក្បែរក្រុងដាម៉ាស់ ខណៈសម្ពាធអន្តរជាតិបានបង្កើនលើលោកប្រធានាធិបតី បាសារ អាល់ អាសាដ ដើម្បីឲ្យគោរពការសន្យាបទឈប់បាញ់ គាំទ្រដោយអ.ស. ប.ដើម្បីបញ្ជាឲ្យដកកងទ័ពត្រឡប់ចូលក្នុងបន្ទាយវិញ។
យោងតាមក្រុមសង្កេតការណ៍សិទ្ធិមនុស្សស៊ីរីដែលមានមូលដ្ឋាន នៅអង់គ្លេសបានឲ្យដឹងថា នៅក្នុងក្រុងហាម៉ា ជាកន្លែងចាប់ផ្ដើមការប្រឆាំងលោកអាសាដ ការផ្ទុះមួយបានហែកអគារមួយ ដោយសម្លាប់មនុស្សយ៉ាងតិច១២នាក់ និងរាប់សិបនាក់ទៀតបានរងរបួស។
សកម្មជនមួយក្រុមទៀត ដែលជាគណៈកម្មាធិការសម្របសម្រួល មូលដ្ឋានបាននិយាយថា ការផ្ទុះនេះ បណ្ដាលមកពីការបាញ់គ្រាប់រ៉ុក្កែតមួយដែលគេផ្លោងចូលទៅ ក្នុងអគារ ហើយបាននិយាយថា អ្នកស្លាប់ គឺច្រើនជាង៥៤នាក់មាន ទាំងកុមារជាច្រើននាក់ផងដែរ។
ប្រភពសកម្មជនទីបី បានរាយការណ៍ថា ការផ្ទុះនេះអាចចេញមកពីផ្នែកខាងក្នុងអគារនេះ។ គេមិនអាចផ្ទៀងផ្ទាត់ការអះអាងនេះបានភ្លាមៗទេ។
មិនមានការបញ្ជាក់ណាមួយពីរដ្ឋាភិបាលស៊ីរី ដែលបាននិយាយថា ខ្លួនប្ដេជ្ញាអនុវត្តតាមកិច្ចព្រមព្រៀងបទឈប់បាញ់ថ្ងៃទី១២ ខែមេសារបស់ប្រេសិតសន្តិភាព អ.ស.ប. សម្ព័ន្ធអារ៉ាប់ លោក កូហ្វី អាណាន់ទេ ប៉ុន្តែរក្សាសិទ្ធិឆ្លើយតប ចំពោះអ្វីដែលខ្លួននិយាយថា ជាការវាយប្រហារជាបន្តពី«ក្រុមភេរវករ»។
ក្រុងហាម៉ា ទទួលអ្នកសង្កេតការណ៍អ.ស.ប.មួយក្រុមតូចមួយ ដែលកំពុងត្រៀមបើកផ្លូវសម្រាប់បេសកកម្មអ.ស.ប.ធំជាង ដែលនឹងមកដល់នៅពេលខាងមុខនេះ ដើម្បីឃ្លាំមើលបទឈប់បាញ់។
ដូចជាការជំរុញការពង្រាយក្រុម ឃ្លាំមើល អ.ស.ប.ឲ្យលឿន រដ្ឋមន្ត្រីការបរទេសបារាំងលោក អា ឡាំង ហ្ស៊ីប៉េបានថ្លែងថាក្រុងប៉ារីស នឹងជំរុញឲ្យមានសេចក្ដីសម្រេចចិត្ត«ជំពូក៧» ដែលនឹងបញ្ជាក់ពីការដាក់ទណ្ឌកម្មនៅខែក្រោយ បើសិនកម្លាំងរបស់លោកអាសាដ មិន ព្រមដកចេញទេ៕
No comments:
Post a Comment
yes