(ថ្ងៃទី 28 មេសា 2012, ម៉ោង 04:33:PM) | ដោយ: រតនា
/ CEN
ភ្នំពេញ: លោក ចាន់ សុវេត មន្ត្រីស៊ើបអង្កេត នៃអង្គការសិទ្ធិមនុស្សអាដហុក បានមានប្រសាសន៍បញ្ជាក់នៅថ្ងៃទី២៨ ខែមេសា ឆ្នាំ២០១២ ថា ការស្លាប់របស់លោក ឈុត វុទ្ធី ប្រធានអង្គការការពារធនធានធម្មជាតិ មិនមែនបណ្តាលមកពីការឈ្លោះទាស់ទែងគ្នាទេ។ លោកបានបញ្ជាក់យ៉ាងនេះថា “ការបាញ់សម្លាប់គាត់ (ឈុត វុទ្ធី) គឺពាក់ព័ន្ធជាមួយនឹងការដែលគាត់បានថតរូបភាពគំនរឈើដ៏ធំមួយកន្លែង នៅក្បែរទំបន់វារីអគ្គិសនីនៅឫស្សីជ្រុំនោះ ហើយគេបានតាមទាមទារដកយកមែមម៉ូរីម៉ាស៊ីនថតពីគាត់។ អ៊ីចឹងការស្លាប់របស់គាត់ គឺគេបានបាញ់សម្លាប់ដើម្បីយកមែមម៉ូរីមកវិញ ឥឡូវយកបានហើយទាំងកុំព្យូទ័រ និងមែមម៉ូរីម៉ាស៊ីនថតរបស់គាត់ ហើយសម្ថកិច្ចម្នាក់ទៀតក៏ត្រូវស្លាប់ដែរ អ៊ីចឹងយើងគិតថា ការបាញ់សម្លាប់នេះ ជាការបាញ់បំបិទមាត់ នេះជារឿងមួយអយុត្តិធម៌សម្រាប់គាត់”។
លោក ចាន់ សុវេត បានបញ្ជាក់ថា ទង្វើបែបនេះ ធ្វើឲ្យសកម្មជនការពារសិទ្ធមនុស្ស មានការព្រួយបារម្ភអំពីសុវត្ថិភាពរបស់ខ្លួន។ ទាក់ទងនឹងការស្លាប់លោក ឈុត វុទ្ធី ត្រូវបានលោក សុវេត បញ្ជាក់ថា ភាគីប្រដាប់អាវុធម្ខាងទៀត ជាអ្នកបាញ់មកលើគាត់ (ឈុត វុទ្ធី) ហើយចំពោះការអះអាងថា មន្ត្រីកងរាជអាវុធហត្ថម្នាក់ទៀតបាញ់សម្លាប់ខ្លួនឯងនោះ គឺជាការអះអាងពុំមានហេតុផលត្រឹមត្រូវឡើយ ដែលបញ្ហានេះទាមទារឲ្យមានការស៊ើបអង្កេត ប្រើជំនាញច្បាស់លាស់ ដោយអនុញ្ញាតឲ្យមានការចូលរួម ពីក្រុមមន្ត្រីអង្គការមិនមែនរាជរដ្ឋាភិបាលដែរ (គឺបង្កើតក្រុមការងារស៊ើបអង្កេតពិសេស ដើម្បីធ្វើការស៊ើបលើករណីបាញ់សម្លាប់លោក ឈុត វុទ្ធី) ដោយមិនត្រូវឲ្យកងរាជអាវុធហត្ថម្នាក់ឯង ធ្វើការស៊ើបអង្កេតនោះទេ។
លោក សុវេត បានបញ្ជាក់បន្តថា ទាក់ទងនឹងអំពើបាញ់សម្លាប់លោក ឈុត វុទ្ធី នោះដែរ គឺកញ្ញា ផន បុបា្ជ និងស្ត្រីជនជាតិកាណាដា ដែលជាអ្នកកាសែតឌឹឃែមបូឌាដេលី គឺពួកគេមិនបាននិយាយរៀបរាប់ពីការពិតឲ្យអស់ ដល់ក្រុមមន្ត្រីអង្គការសិទ្ធិមនុស្ស នៅពេលដែលទៅជួបពួកគាត់នៅខេត្តកោះកុងឡើយ ដោយគ្រាន់តែនិយាយពីការព្រួយបារម្ភ អំពីសុវត្ថិភាពរបស់ពួកគាត់ទាំងពីរនាក់ ពីព្រោះតែចរិតដើម្បីផលប្រយោជន៍។ លោក សុវេត បានបន្តថា ទោះជាយ៉ាងណា អ្នកកាសែតទាំងពីរអ្នកនោះ គួរតែសម្តែងនូវភាពស្មោះត្រង់ដល់មន្ត្រីអង្គការសិទ្ធិមនុស្ស ដែលចុះទៅស្វែងរកការពិត និងស្វែងរកយុត្តិធម៌ជូនអ្នកស្លាប់។
លោក សុវេត បានបញ្ជាក់ថា “អ្នកសែតទាំងពីរនាក់នោះ និយាយនៅលាក់អាថ៌កំបាំងច្រើន ពីព្រោះគាត់ជាសាក្សីរស់ ពីព្រោះនៅកន្លែងកើតហេតុមានតែពីរនាក់នោះឯង ដែលដឹងរឿងពិត ហើយប្រជាពលរដ្ឋដែលរស់នៅតំបន់នោះ គឺជាប្រជាពលរដ្ឋដែលរស់នៅក្រោមសម្ពាធរបស់គេ រស់នៅរកស៊ីបានដោយសារពួកគេដែរ អ៊ីចឹងពលរដ្ឋទាំងនោះនៅខាងសមត្ថកិច្ច និងក្រុមហ៊ុនដែរ ហើយចំណុចសំខាន់ នៅតំបន់នោះគឺជាកន្លែងដែលពួកគេឃុបឃិតគ្នារកស៊ីឈើ”។ លោកបន្តទៀតថា អ្នករកស៊ីឈើនៅតំបន់នោះ គឺសុទ្ធតែជាពួកមន្ត្រីដែលមានខ្នងធំៗ ពីព្រោះឈើទាំងអស់នោះ បានមកពីការសាងសង់ទំនប់វារីអគ្គិសនី ដែលក្រុមហ៊ុនចិនកំពុងតែធ្វើ ហើយមន្ត្រីខ្មែរមានអាជ្ញាប័ណ្ណទិញឈើទាំងនោះ យកទៅលក់បន្ត និងប្រមូលទិញឈើចេញពីតំបន់នៅជុំវិញនោះទៀត ដោយតំបន់នោះពួកមន្ត្រីទាំងនេះ មិនដែលអនុញ្ញាតឲ្យអ្នកណាក្រៅពីបក្ខពួកគេ មានសិទ្ធិចេញចូលបានឡើយ ដែលនេះជាមូលហេតុបណ្តាលឲ្យលោក ឈុត វុទ្ធី ចូលទៅតំបន់នោះថតរូប ហើយត្រូវគេបាញ់សម្លាប់៕
លោក ចាន់ សុវេត បានបញ្ជាក់ថា ទង្វើបែបនេះ ធ្វើឲ្យសកម្មជនការពារសិទ្ធមនុស្ស មានការព្រួយបារម្ភអំពីសុវត្ថិភាពរបស់ខ្លួន។ ទាក់ទងនឹងការស្លាប់លោក ឈុត វុទ្ធី ត្រូវបានលោក សុវេត បញ្ជាក់ថា ភាគីប្រដាប់អាវុធម្ខាងទៀត ជាអ្នកបាញ់មកលើគាត់ (ឈុត វុទ្ធី) ហើយចំពោះការអះអាងថា មន្ត្រីកងរាជអាវុធហត្ថម្នាក់ទៀតបាញ់សម្លាប់ខ្លួនឯងនោះ គឺជាការអះអាងពុំមានហេតុផលត្រឹមត្រូវឡើយ ដែលបញ្ហានេះទាមទារឲ្យមានការស៊ើបអង្កេត ប្រើជំនាញច្បាស់លាស់ ដោយអនុញ្ញាតឲ្យមានការចូលរួម ពីក្រុមមន្ត្រីអង្គការមិនមែនរាជរដ្ឋាភិបាលដែរ (គឺបង្កើតក្រុមការងារស៊ើបអង្កេតពិសេស ដើម្បីធ្វើការស៊ើបលើករណីបាញ់សម្លាប់លោក ឈុត វុទ្ធី) ដោយមិនត្រូវឲ្យកងរាជអាវុធហត្ថម្នាក់ឯង ធ្វើការស៊ើបអង្កេតនោះទេ។
លោក សុវេត បានបញ្ជាក់បន្តថា ទាក់ទងនឹងអំពើបាញ់សម្លាប់លោក ឈុត វុទ្ធី នោះដែរ គឺកញ្ញា ផន បុបា្ជ និងស្ត្រីជនជាតិកាណាដា ដែលជាអ្នកកាសែតឌឹឃែមបូឌាដេលី គឺពួកគេមិនបាននិយាយរៀបរាប់ពីការពិតឲ្យអស់ ដល់ក្រុមមន្ត្រីអង្គការសិទ្ធិមនុស្ស នៅពេលដែលទៅជួបពួកគាត់នៅខេត្តកោះកុងឡើយ ដោយគ្រាន់តែនិយាយពីការព្រួយបារម្ភ អំពីសុវត្ថិភាពរបស់ពួកគាត់ទាំងពីរនាក់ ពីព្រោះតែចរិតដើម្បីផលប្រយោជន៍។ លោក សុវេត បានបន្តថា ទោះជាយ៉ាងណា អ្នកកាសែតទាំងពីរអ្នកនោះ គួរតែសម្តែងនូវភាពស្មោះត្រង់ដល់មន្ត្រីអង្គការសិទ្ធិមនុស្ស ដែលចុះទៅស្វែងរកការពិត និងស្វែងរកយុត្តិធម៌ជូនអ្នកស្លាប់។
លោក សុវេត បានបញ្ជាក់ថា “អ្នកសែតទាំងពីរនាក់នោះ និយាយនៅលាក់អាថ៌កំបាំងច្រើន ពីព្រោះគាត់ជាសាក្សីរស់ ពីព្រោះនៅកន្លែងកើតហេតុមានតែពីរនាក់នោះឯង ដែលដឹងរឿងពិត ហើយប្រជាពលរដ្ឋដែលរស់នៅតំបន់នោះ គឺជាប្រជាពលរដ្ឋដែលរស់នៅក្រោមសម្ពាធរបស់គេ រស់នៅរកស៊ីបានដោយសារពួកគេដែរ អ៊ីចឹងពលរដ្ឋទាំងនោះនៅខាងសមត្ថកិច្ច និងក្រុមហ៊ុនដែរ ហើយចំណុចសំខាន់ នៅតំបន់នោះគឺជាកន្លែងដែលពួកគេឃុបឃិតគ្នារកស៊ីឈើ”។ លោកបន្តទៀតថា អ្នករកស៊ីឈើនៅតំបន់នោះ គឺសុទ្ធតែជាពួកមន្ត្រីដែលមានខ្នងធំៗ ពីព្រោះឈើទាំងអស់នោះ បានមកពីការសាងសង់ទំនប់វារីអគ្គិសនី ដែលក្រុមហ៊ុនចិនកំពុងតែធ្វើ ហើយមន្ត្រីខ្មែរមានអាជ្ញាប័ណ្ណទិញឈើទាំងនោះ យកទៅលក់បន្ត និងប្រមូលទិញឈើចេញពីតំបន់នៅជុំវិញនោះទៀត ដោយតំបន់នោះពួកមន្ត្រីទាំងនេះ មិនដែលអនុញ្ញាតឲ្យអ្នកណាក្រៅពីបក្ខពួកគេ មានសិទ្ធិចេញចូលបានឡើយ ដែលនេះជាមូលហេតុបណ្តាលឲ្យលោក ឈុត វុទ្ធី ចូលទៅតំបន់នោះថតរូប ហើយត្រូវគេបាញ់សម្លាប់៕
No comments:
Post a Comment
yes