ក្រចេះ:សត្វគោក្របីរបស់ប្រជាពលរដ្ឋប្រមាណជាង៨០ក្បាលនៅក្នុងឃុំស្រែជិះ និងឃុំកំពង់ចាម ស្រុកសំបូរ ខេត្តក្រចេះបានងាប់ដោយសារជំងឺឆ្លង ចាប់តាំងពីរខែមេសាឆ្នាំនេះ។ ប្រជាពលរដ្ឋ មានការព្រួយបារម្ភ ពីការរីករាលដាលនៃជំងឺដែលមិនទាន់មានវ៉ាក់សាំងចាក់ការពារ។
លោក ហ៊ួត សុខា នាយប៉ុស្តិ៍រងស្រែជិះបាននិយាយឲ្យដឹងថា មានគោក្របីប្រជាកសិករជាច្រើនក្បាល នៅក្នុងភូមិចំនួន ៦ នៅក្នុងឃុំស្រែជិះបានងាប់ជាបន្តបន្ទាប់ពីការឆ្លងជំងឺចាប់តាំងពីខែមេសាមក។
លោកបញ្ជាក់ថា ជាទម្លាប់នៅក្នុងរដូវនេះប្រជាពលរដ្ឋនៅក្នុងឃុំរបស់គាត់តែងតែ ប្រលែងគោក្របីចោលនៅ វាលស្រែ និងក្នុងព្រៃច្របូកច្របល់គ្នាចំងាយពីភូមិប្រមាណ ៤គីឡូម៉ែត្រ។ ៤-៥ថ្ងៃទើបពួកគាត់ទៅមើលម្តង។ ដូចនេះវាពិបាកនៅក្នុង ការគ្រប់គ្រងនៅពេលមានការផ្ទុះឡើងនៅជំងឺឆ្លងនេះ។
«ភាគច្រើនគឺក្របីបានងាប់ស្អុយរលួយនៅក្នុងព្រៃ។ ខ្លះឃើញតែគ្រោងឆ្អឹងទំហំម្ចាស់ដឹង។ ប្រជាពលរដ្ឋខ្លះ បានប្រឡះយកសាច់គោក្របីដែលទើបងាប់ថ្មីៗមកហូប»។ លោកបានបន្ថែមថា កាលពីឆ្នាំទៅ ក៏មានគោក្របីងាប់ដែរតែមិនច្រើនដូចឆ្នាំនេះ។
No comments:
Post a Comment
yes