លោក ហ្វ្រង់ស័រ ហូឡង់ បានធ្វើការស្បថចូលកាន់តំណែងជាប្រធានាធិបតីរបស់បារាំងជាផ្លូវការ ហើយរូបលោកនឹងត្រូវប្រយុទ្ធតស៊ូជាមួយវិបត្តិបំណុលនៅតំបន់ អឺរ៉ុប ។ លោក ហូឡង់ បានបង្ហាញខ្លួនក្នុងពិធីឆ្លងនៅឯវិមាន អេលីសេ ផាឡេស ជាមួយនឹងប្រធានាធិបតីដែលធ្លាក់ពីតំណែង នីកូឡាស ហ្សាកូហ្សី ។ បន្ទាប់មកគាត់នឹងធ្វើដំណើរទៅកាន់ប្រទេស អាល្លឺម៉ង់ ដើម្បីជួបជាមួយអធិការបតី អ្នកស្រី អេនជេលឡា មីគែល ។ ការធ្វើដំណើរនេះគឺសង្កត់ធ្ងន់យ៉ាងសំខាន់ទៅលើចំណងមិត្តភាពរវាង អាល្លឺម៉ង់ និង បារាំង ក្នុងទ្វីបអឺរ៉ុប ខណៈពេលមានភាពជ្រួលច្របល់ ស្ដីពីវិបត្តិបំណុលនៅអឺរ៉ុប ។ លោក ហូឡង់ បានទិតៀនប្រទេស អាល្លឺម៉ង់ ឲ្យផ្ដោតសំខាន់ទៅលើមធ្យោបាយដើម្បីចាកចេញពីវិបត្តិនៅ អឺរ៉ុប ។
បន្ទាប់ពីការប្រកាសតែងតាំងលោក ហូឡង់ ឲ្យកាន់មុខតំណែងជាប្រធានាធិបតីពេញសិទ្ធិនៅរសៀលថ្ងៃអង្គាររួចមក គាត់នឹងធ្វើដំណើរទៅកាន់ប្រទេស អាល្លឺម៉ង់ ដើម្បីញាំអាហារពេលល្ងាចជាមួយ អ្នកស្រី មីគែល ដែលបានអ្នកស្រី នឹងស្វាគមន៍មេដឹកនាំថ្មីដោយកក់ក្ដៅជាទីបំផុត បើទោះបី អ្នកស្រី មីគែល គឺជាអ្នកគាំទ្រ លោក ហ្សាកូហ្សី យ៉ាងពេញទំហឹងកំឡុងពេលយុទ្ធនាការបោះឆ្នោត ។ បន្ទាប់ពីការធ្វើដំណើរទៅកាន់ អាល្លឺម៉ង់ លោក ហូឡង់ នឹងបើកកិច្ចប្រជុំរដ្ឋមន្ត្រីរបស់គាត់នៅថ្ងៃព្រហស្បតិ៍បន្ទាប់មក ទៀតគាត់នឹងបន្តធ្វើដំណើរទស្សនកិច្ចទៅកាន់ទីក្រុង វ៉ាស៊ីងតោន ដើម្បីជួបជាមួយនឹងប្រធានាធិបតី សហរដ្ឋអាមេរិក លោក បារ៉ាក់ អូបាម៉ា ៕
No comments:
Post a Comment
yes