លោក​ស្រី​មូរ សុហួរ ៖ សកម្ម​ជន​គណ​បក្ស កាន់​អំ​ណាច ចាប់​ផ្ដើម ចុះ​ចូល​ជា​មួយ ចលនា ប្រជា​ធិប​តេយ្យ​សង្រ្គោះ​ជាតិ

ប្រធាន លេខាធិការដ្ឋាន នៃ ចលនា ប្រជាធិបតេយ្យសង្រ្គោះជាតិ បាន ថ្លែងអះអាងថា បន្ទាប់ពី ចលនានេះ បង្កើតបាន ប៉ុន្មានថ្ងៃមកនេះ មាន សកម្មជន និងអ្នកគាំទ្រ គណបក្ស កាន់អំណាច ជាច្រើននាក់ បាន ចុះចូលជាមួយ ចលនានេះ ដោយសារតែ ពួកគាត់មើលឃើញ ថា ចលនានេះ ពិតជា ជួយជាតិពិតប្រាកដមែន ។

ថ្លែង នៅក្នុងព្រឹត្តិការណ៍សមាជជាតិ លើកទីពីររបស់ គណបក្សសិទិ្ធមនុស្ស នៅរាជធានីភ្នំពេញ នៅថ្ងៃ អាទិត្យទី 22ខែកក្ដដានេះ លោកស្រី មួសុខហូរ អ្នកតំណាងរាស្ត្រ គណបក្ស សមរង្ស៊ី និង ជាប្រធាន លេខាធិការ ដ្ឋាន នៃ ចលនា ប្រជាធិបតេយ្យសង្រ្គោះជាតិ បានថ្លែង ដោយមោទនភាព ជាខ្លាំង ថា គ្រាន់តែ រយៈពេល 4ថ្ងៃបុណ្ណោះ បន្ទាប់ពី ចលនា អ្នកប្រជាធិបតេយ្យសង្រ្គោះជាតិបាន បង្កើត ឡើង គឺមាន សកម្មជន និងអ្នកគាំទ្រ គណបក្ស ប្រជាជន ជាច្រើន នាក់ មកសុំចុះចូលនឹង ចលនា នេះ ។

មួ សុខហួរ៖ខ្ញុំមានឯកសារគ្រប់គ្រាន់ តែខ្ញុំត្រូវសុំការអនុញ្ញាតពីសម៉ីខ្លួនសិន ហើយលើសពីនេះទៅទៀត មានទាំងនៅក្នុងទូរស័ព្ទរបស់ខ្ញុំមានទាំងមន្ត្រីរាជការ ដែលសុំមកចូលរួមជាមួយចលនាផងដែរ។ ខ្ញុំមិនហ៊ានថាទេ ដោយសាគាត់មិនបានប្រាប់ ថាគាត់គ្រាន់តែ ប្រាប់ច្បាស់ថា គាត់នឹងធ្វើការលាលែងពីគណបក្សប្រជាជនកម្ពុជា ។

យ៉ាងណា សំឡេងប្រជាធិបតេយ្យ VOD នៅថ្ងៃអាទិត្យនេះ មិនទាន់សុំ ប្រតិកម្មពី មន្រ្តីនាំពាក្យគណបក្សប្រជាជនកម្ពុជា បានទេ ដោយថ្ងៃឈប់សំរាកពីការងារ ។

សូមជ្រាបថា បើមានមន្ត្រី និងអ្នកគាំទ្រគណបក្សប្រជាជនកម្ពុជា ចុះចូលជាមួយ ចលនា ប្រជាធិបតេយ្យសង្រ្គោះជាតិដូចការអះអាងរបស់ លោកស្រីមួសុខហួរ ពិតមែន គឺទំនងជាលើកដំបូងហើយ ដែល មានការចាកចេញពីគណបក្ស កាន់អំណាច ដែលកន្លងមក ពុំធ្លាប់មាន ៕