ជនសង្ស័យ ឈូក បណ្ឌិត អតីតអភិបាលក្រុង បាវិត
តុលាការខេត្តស្វាយរៀងកាលពីថ្ងៃសុក្រ
ទី២៧ មិនបានធ្វើការកោះហៅជនសង្ស័យ ឈូក បណ្ឌិត ជាអតីតអភិបាលខេត្តស្វាយរៀង
ដែលបាញ់កម្មកររោងចក្រកៅវ៉េ ឲ្យចូលបំភ្លឺតាមការកំណត់ឡើយ ដោយចៅក្រមបានសំអាងថា
ការដែលលោកបានប្រាប់កាលពីមុនមក ថានឹងបើកការសាកសួរម្តងទៀតទៅលើលោក
ឈូក បណ្ឌិត នៅថ្ងៃសុក្រ ទី២៧ គឺជាការច្រឡំថ្ងៃ ។
ប្រធានតុលាការខេត្តស្វាយរៀង
លោក ប៉ិច ឈឿត ដែលកាន់សំណុំរឿងនេះបានប្រាប់ឲ្យដឹងថា លោកច្រឡំថ្ងៃទេ ដែលពីមុនបានប្រាប់ថា
ត្រូវកោះហៅជនសង្ស័យ ឈូក បណ្ឌិត ឲ្យចូលខ្លួនបំភ្លឺម្តងទៀតនៅថ្ងៃសុក្រ
ទី២៧ ខែកក្កដា ឆ្នាំ២០១២ តែលោក ឈូក បណ្ឌិត
ត្រូវបានមន្រ្តីជំនាញរបស់ក្រសួងមហាផ្ទៃសាកសួររួចរាល់តាំងពីថ្ងៃទី២០
ខែកក្កដា មកម្ល៉េះ ។
លោក ប៉ិច ឈឿត បានបន្តថា
ករណីរបស់លោក ឈូក បណ្ឌិត តុលាការមិនបានប្តូរបទចោទប្រកាន់
ការបង្កររបួសស្នាមដោយអចេតនា លើកម្មការិនីរោងចក្រកៅវ៉េទាំង៣នាក់នោះទេ ព្រោះករណីនេះស្ថិតនៅក្នុងការត្រួតពិនិត្យនៅឡើយ។
លោកបញ្ជាក់ថា មិនមានការឃុំខ្លួនលោក ឈូក បណ្ឌិត ឡើយ
លុះត្រាតែជនសង្ស័យរូបនេះប្រព្រឹត្តខុសពីអ្វី
ដែលសមត្ថកិច្ចបានកំណត់ក្នុងការត្រួតពិនិត្យរបស់តុលាការទើបឃុំខ្លួន
។
ចំណែកឯអ្នកនាំពាក្យក្រសួងមហាផ្ទៃ
លោក ខៀវ សុភ័គ និងអ្នកនាំពាក្យអគ្គស្នងការនគរបាលជាតិ លោក គាត ច័ន្ទថារិទ្ធិ
នៅពេលដែលធ្វើការសាកសួរជុំវិញរឿងសាកសួរទៅលើលោក ឈូក បណ្ឌិត
កាលពីថ្ងៃទី២០ ខែកក្កដា នោះ គឺបានធ្វើការអះអាងដូចថា
លោកមិនបានដឹងថា មន្រ្តីជំនាញរបស់ក្រសួងនេះ បានសាកសួរលោក ឈូក
បណ្ឌិត កាលពីថ្ងៃទី២០ខែកក្កដា
ដូចប្រធានតុលាការខេត្តស្វាយរៀងអះអាងនោះទេ។
ចំណែកឯលោក គីម
សួរភីរិទ្ធ តំណាងរាស្រ្តរបស់គណបក្ស សម រង្ស៊ី ដែលបានតាមដានយ៉ាង
ស្មិតស្មាញចំពោះករណីរបស់លោក ឈូក បណ្ឌិត បានមានប្រសាសន៏ប្រាប់ឲ្យដឹងថារឿងលោក ឈូក
បណ្ឌិត នេះគឺគេចង់ទុកឲ្យកប់ទៅតាមពេលវេលា គឺគេគ្មានឆន្ទះនិងធ្វើការដោះស្រាយរក
យុត្តិធម៌ជូនកម្មការិនីរងគ្រោះទាំង៣នាក់នោះឡើយ ។ ហើយទាំងអស់នេះហើយ
បញ្ជាក់ឲ្យឃើញថា
ប្រព័ន្ធតុលាការនៅក្នុងប្រទេសកម្ពុជាកុំពុងតែស្ថិតនៅក្រោមឥទ្ធិពលអ្នកមានអំណាច
និងអ្នកមានលុយ ។
ដូចនេះករណីរបស់លោក ឈូក
បណ្ឌិត កំពុងតែឆ្លុះបញ្ចាំងឲ្យឃើញថា តុលាការពិតជាចង់បិទ
បាំងរឿងនេះយ៉ាងពិតប្រាកដ ។ អ្នកតាមដានបានលើកឡើងថា ពិបាកណាស់ប្រព័ន្ធតុលាការ
នៅក្នុងស្រុកខ្មែរ អ្នកមានលុយ មានអំណាច តែងតែឈ្នះលើពលរដ្ឋទុកខ្សោយជានិច្ច
ដែលនេះជាវប្បធម៌ប្រព័ន្ធតុលាការនៅស្រុកខ្មែរទៅហើយ ។
តែប្រសិនបើករណីនេះកើតឡើងចំពោះប្រ ជាពលរដ្ឋទន់ខ្សោយ អ្នកការពារសិទ្ធមនុស្ស
ឬអ្នកនយោបាយវិញមិនបានមួយចំអិនកំពិសផង
តុលាការប្រាកត់ណាស់និងចាប់អ្នកនោះដាក់ពន្ធនាគាតភ្លាមៗមួយរំពិច ។ ដូចនេះហើយបានជា
នៅក្នុងប្រទេសកម្ពុជាត្រូវបានគេប្រសិទ្ធនាមឈ្មោះឲ្យថា ជាប្រទេសឋានសួគ៌នៃវប្បធម៌និទន្ទ
ភាព សម្រាប់អ្នកមានលុយ និងមានអំណាចនៅស្រុកខ្មែរ ៕
No comments:
Post a Comment
yes