ប្រធានាធិបតីបារាំងលោកហ្វ្រង់ស្វ័រ ហូឡង់ និងនាយករដ្ឋមន្ត្រីថៃលោកស្រីយីងឡាក់ ស៊ីណាវ៉ាត្រា បានព្រមព្រៀងពេលជួបពិភាក្សាគ្នាកាលពីថ្ងៃទី២០កក្កដាកន្លងមកនេះនៅក្រុងប៉ារីសថា គេត្រូវជំរុញថ្មីដល់ទំនាក់ទំនងទ្វេភាគីក្នុងគ្រប់វិស័យទាំងអស់ទាំងនយោបាយ សេដ្ឋកិច្ច សាកលវិទ្យាល័យ យោធានិងវប្បធម៌ ។លោកស្រីយីងឡាក់ នាឱកាសទស្សនកិច្ចមួយនៅប្រទេសបារាំងបានជួបពិភាក្សាជាមួយប្រធានាធិបតីបារាំងកាលពីព្រឹកថ្ងៃទី២០កក្កដានៅវិមានអេលីហ្សេ ដើម្បីគូសបញ្ជាក់ពីសារសំខាន់នៃភាពជាដៃគូរវាងប្រទេសទាំង២ផ្អែកលើផែនការសកម្មភាពបារាំង-ថៃ ។ ប្រធានាធិបតីបារាំងបានសំដៅជាថ្មីពីសាមគ្គីភាពរបស់បារាំងជាមួយថៃបន្ទាប់ពីគ្រោះទឹកជំនន់ធ្ងន់ធ្ងរ វាយប្រហារលើប្រទេសនេះបណ្តាលឱ្យមនុស្សស្លាប់ជាច្រើននាក់និងបង្កការបំផ្លិចបំផ្លាញសម្ភារ ច្រើនបំផុត ។យោងតាមវិមានប្រធានាធិបតី បារាំងថា ការផ្លាស់ប្តូរគ្នាខាងសេដ្ឋកិច្ចទ្វេភាគីជាកម្មវត្ថុនៃការពិភាក្សាគ្នាដោយស៊ីជម្រៅ ។
លោកហូឡង់និងលោកស្រីយីងឡាក់បានផ្តោតលើភាពចាំបាច់ពង្រីកទំនាក់ទំនងសេដ្ឋកិច្ចដើម្បីឱ្យបណ្តាសហគ្រាសបារាំងចូលរួមកាន់តែសកម្មដល់ការអនុវត្តគម្រោងហេដ្ឋារចនាសម្ព័ន្ធនានានៅថៃ។ មេដឹកនាំទាំង២បានព្រមព្រៀងគ្នាផងដែរ ធ្វើឱ្យស៊ីជម្រៅដល់កិច្ចសហប្រតិបត្តិការក្នុងវិស័យការពារដែលបង្ហាញឱ្យឃើញច្បាស់តាមរយៈការចុះហត្ថលេខានាពេលខាងមុខនេះ លើកិច្ចព្រមព្រៀងសហប្រតិបត្តិការរវាងក្រសួងការពារប្រទេសនៃប្រទេសទាំង២ ៕
No comments:
Post a Comment
yes