ទួលគោក ដែលមានលោកផ្កាយ១ម្នាក់បើកល្បែង ស៊ីសងយ៉ាងផុលផុស ធ្វើឱ្យមានភាព អនាធិបតេយ្យទាំងយប់ទាំងថ្ងៃ ។
តាមសមត្ថកិច្ចនគរបាលប៉ុស្ដិ៍បឹង សាឡាង បានឱ្យដឹងថា ករណីផ្ទះបើក បនល្បែងដែលឋិតនៅចំណុចដើមឫស្សី ផ្លូវ២៣០ សង្កាត់បឹងសាឡាង ខណ្ឌទួល គោក មានផ្កាយ១មួយរូបមិនដឹងនៅ អង្គភាពណា ធ្លាប់នគរបាលហៅមកអប់រំ និងធ្វើកិច្ចសន្យាញឹកញាប់មកហើយ ប៉ុន្ដែម្ចាស់ផ្ទះហាក់ដូចជារឹងទទឹង មិនដឹង ជាអាងអំណាចបុណ្យស័ក្ដិប៉ុនណា ។
សមត្ថកិច្ចបញ្ជាក់ថា បើសិនជាម្ចាស់ ផ្ទះដែលជាឧត្ដមសេនីយ៍នោះមិនបោះ បង់អំពើអបាយមុខបំពានផ្លូវច្បាប់ បើកបនល្បែងស៊ីសង រួមទាំងមានមនុស្ស ប្រសេចប្រសាច រងនូវការរិះគន់ពីប្រជាពលរដ្ឋជិតខាងទេនោះ លោកនឹងចាត់ការក្នុងរឿងនេះ ។
ក្រុមអ្នករកស៊ីខ្លះបានបញ្ជាក់ថា លោកផ្កាយ១រូបនេះចិតធំជាងប៉ែត ក្អេងក្អាង មួយម៉ាត់ណាក៏ស្គាល់លោកធំតុលាការ និងមេឈ្មួញឈើធំៗ ម្យ៉ាងវិញទៀតរូប គេមិនដឹងជាឋិតក្នុងអង្គភាពណាពិតប្រាកដទេ គឺមានប្រវត្ដិរកស៊ីឈើ កាងបទល្មើស បើកបនល្បែង និងយកឈ្មោះ អ្នកធំប្រើប្រាស់ ។ មិនតែប៉ុណ្ណោះ ព្រហើន ផងដែរដែលមួយម៉ាត់ណាក៏ស្គាល់តុលាការពេញរាជធានីភ្នំពេញ ធ្វើឱ្យអ្នកជិត ខាងម្នាក់ៗមិនហ៊ានក្អក ព្រោះខ្លាចអំណាច ឥទ្ធិពលអំណាចលោកផ្កាយ១សំដីធំជាងមាឌ ឫកខ្ពស់ជាងកម្ពស់នេះ ។
ទីតាំងបើកបនល្បែងផ្ទះដាំដើមឫស្សី ផ្លូវ២៣០ សង្កាត់បឹងសាឡាង មានក្រុមជើងកាងជាក្រុមបងធំនិងក្រុមអង្គរក្ស ដែលជាកូនចៅលោកផ្កាយ១ បានប្រមូល ផ្ដ្ដុំក្រុមអ្នកញៀនល្បែងសុទ្ធតែមុខសញ្ញា ក្រុមប្រព្រឹត្ដបទល្មើសផ្សេងៗនៅក្នុងសង្គម ប៉ុន្ដែអ្នកញៀនល្បែងទាំងនោះ ហាក់ដូចជាមិនសូវខ្លាចសមត្ថកិច្ច បន្ទាប់ពីមានវត្ដមានរបស់លោកផ្កាយ១ រូបនេះចេញមុខការពារ និងគំរាមកំហែង អ្នកជិតខាង ។
ពាក់ព័ន្ធនឹងផ្ទះបើកបនល្បែងនេះ លោកផ្កាយ១ដែលជាម្ចាស់ផ្ទះ និងជាអ្នក កាងបនល្បែងផ្ទាល់ បានឱ្យនគរវត្ដដឹង តាមទូរស័ព្ទកាលពីរសៀលថ្ងៃទី២០ខែ កក្កដាឆ្នាំ២០១២ថា អ្នកណាថ្លើមធំហ៊ាន ថាផ្ទះរបស់គាត់បើកបនល្បែង ម្យ៉ាង វិញទៀតលេខទូរស័ព្ទដែលតេមកនេះគាត់ ថែមទាំងគំរាមកត់ទុក មិនដឹងថាគាត់ ចង់យកលេខទូរស័ព្ទនេះទៅប្រើធ្វើអីនោះ ទេ ។ ស្របពេលដែលលោកផ្កាយ១គំរាម តាមទូរស័ព្ទ មិនខុសអីពីមជ្ឈដ្ឋានសមត្ថ កិច្ចមួយចំនួនលើកឡើងថា លោកផ្កាយ១ រូបនេះសំដីខ្ពស់ យកឈ្មោះអ្នកធំមកប្រើ ប្រាស់ពិតជាមិនខុសមែន ចាំមើលសមត្ថ កិច្ចនិងអាជ្ញាធរមូលដ្ឋានហ៊ានបំបែក សំបុកបនល្បែងរបស់លោកផ្កាយ១នេះ ដែរឬទេ បើមួយម៉ាត់ណាគាត់ស្គាល់អ្នក ធំនិងតុលាការស្ទើរម៉ាស្រុកខ្មែរទៅហើយ នោះ ។
ខាងក្រោមនេះជាលិខិតសំណូមពរ របស់ប្រជាពលរដ្ឋជូននាយនគរបាល ប៉ុស្ដិ៍រដ្ឋបាលបឹងសាឡាង ដើម្បីជួយអន្ដរាគមន៍ក្នុងករណីនេះ ៕
No comments:
Post a Comment
yes