ព្យុះខានុន បានបោកបក់ទៅដល់កោះជេជុ របស់កូរ៉េខាងត្បូង
ក្រុងសេអ៊ូល: ស្រ្តីចំណាស់ម្នាក់បានស្លាប់ ហើយជើងហោះហើររាប់រយត្រូវបានផ្អាក ខណៈព្យុះទីហ្វុងខានុន បានវាយប្រហារមកពីភាគខាងជើងដើម្បីឆ្លងកាត់ក្រុងសេអ៊ូលរបស់កូរ៉េ ខាងត្បូងកាលពីថ្ងៃព្រហស្បតិ៍។
យោងតាមរដ្ឋបាលឧតុនិយមកូរ៉េ(KMA)ឲ្យដឹងថា ព្យុះខានុនជាព្យុះត្រូពិកក្នុងឆ្នាំនេះដែលបានកកើតនៅតំបន់ ប៉ាស៊ីហ្វិកខាងលិចនេះ បានឆ្ពោះទៅឦសានក្នុង ល្បឿន២០គ.ម ក្បែរក្រុងសូសានភាគខាងលិចប្រទេសនេះឆ្ពោះទៅក្រុងសេអ៊ូលពីម៉ោង៦ ព្រឹក។
យោងតាមទីភ្នាក់ងារអាកាសធាតុឲ្យដឹងថា ព្យុះខានុនជាភាសាថៃមានន័យថា«ផ្លែខ្នុរ»នេះត្រូវគេរំពឹងថា នឹងធ្វើដំណើរទៅដល់កូរ៉េខាងជើងនៅម៉ោងប្រមាណ៣រសៀល ហើយបន្តទៅឆ្នេរសមុទ្រភាគខាងកើតទៀត។
នៅជប៉ុន អ្នកព្យាករអាកាស ធាតុក៏បានព្រមានពីថ្ងៃពុធថា ព្យុះទីហ្វុងក៏អាចនាំមកនូវភ្លៀងច្រើនសប្តាហ៍ដែរ ខណៈសហគមន៍ជាច្រើនខិតខំតស៊ូងើបពីគ្រោះទឹកជំនន់ដ៏ធំ។
ខណៈព្យុះនេះ បានបន្តដំណើរទៅកាន់តំបន់ភាគកណ្ដាល តាមឆ្នេរភាគខាងលិចពីកោះកម្សាន្តជេជូនៅភាគខាងត្បូងកូរ៉េ ភ្លៀងធ្លាក់ខ្លាំង និងខ្យល់ព្យុះ បានធ្វើឲ្យផ្ទះមួយដួលរលំនៅខេត្តគ្យុងសាងខាងជើងដោយសម្លាប់ មនុស្សវ័យ៨៣ឆ្នាំម្នាក់។
យោងតាមព្រលានយន្តហោះអន្តរជាតិអ៊ីនឆុនឲ្យដឹងថា ជើងហោះហើរអន្តរជាតិពីរភ្ជាប់ពីអ៊ីនឆុន ទៅក្រុងម៉ានីល ត្រូវបានលុបចោល។ កាលពីថ្ងៃពុធ ជើងហោះហើរប្រមាណ៩០ជើងដែលគ្រោងនឹងហោះទៅជេជូ និងផូហាង ត្រូវលុបចោល៕
No comments:
Post a Comment
yes