អតីតនាយករដ្ឋមន្ត្រីថៃដែលនិរទេសខ្លួន លោកថាក់ស៊ីន ស៊ីណាវ៉ាត់ត្រាបានធ្វើការរិះគន់ចំពោះ សេចក្តីសម្រេចរបស់តុលាការកាលពីសប្តាហ៍មុន ដែលអ្នកគាំទ្ររូបលោកបានប្រឹងប្រែងសុំឲ្យមានការផ្លាស់ប្តូររដ្ឋធម្មនុញ្ញ និងអំពាវនាវឲ្យមានការពិភាក្សាទៅលើការវិលត្រលប់ចូលស្រុករបស់គាត់វិញ។
តុលាការរដ្ឋធម្មនុញ្ញកាលពីថ្ងៃទី១៣ កក្កដាបាននិយាយថា ការធ្វើប្រជាមតិចាំបាច់ត្រូវតែមានមុនពេលរដ្ឋធម្មនុញ្ញត្រូវបានអនុម័ត្ត បន្ទាប់ពីមានរដ្ឋប្រហារកាលពីឆ្នាំ២០០៦ដែលបានបណ្តេញលោក ថាក់ស៊ីននោះ គួរតែត្រូវបានតាក់តែងម្តងទៀត។ លោកបាននិយាយថា គណបក្សរបស់អ្នកស្រីនាយករដ្ឋមន្ត្រី យាង់ឡាក់ ស៊ីណាវ៉ាត់ត្រា ដែលជាប្អូនស្រីរបស់លោកថាក់ស៊ីននោះ នឹងស្វែងយល់ពីសេចក្តីសម្រេចនោះ មុនពេលធ្វើការសម្រេចថាតើគួរតែធ្វើបន្តទៅមុខឬយ៉ាងណា។
ក្នុងធ្វើបទសំភាសន៍ជាមួយនឹង ទូរទស្សន៍របស់សឹង្ហបុរី Channel News Asia លោកថាក់ស៊ីនបាននិយាយថា «សេចក្តីសម្រេចបង្ហាញពីអ្វីដែលយើងហៅថា ហួសពីយុត្តាធិការតុលាការ។ វាប្រឆាំងទៅនឹងច្បាប់នៃការបែងចែកអំណាចដែលជាស្នូលនៃលទ្ធិប្រជាធិបតេយ្យ»។
អ្នកគាំទ្ររបស់លោកថាក់ស៊ីន កំពុងធ្វើការថ្លឹងថ្លែងថាតើធ្វើការបំពានលើតុលាការ ឬក៏គាបសង្កត់ដោយសម្លេងឆ្នោតក្នុងការធ្វើវិសោធនកម្មរដ្ឋធម្មនុញ្ញ នៅសម័យប្រជុំសភាដែលចាប់ផ្តើមនៅថ្ងៃទី១ សីហានេះ។
លោកថាក់ស៊ីនបានបញ្ជាក់ថា «អ្នកដែលបានអត្ថប្រយោជន៍ពីលទ្ធិប្រជាធិបតេយ្យចង់ឲ្យមានមកវិញ។ សម្រាប់អ្នកដែលខ្លាចប្រជាធិបតេយ្យ មុខជាប្រឆាំងនឹងវាកាន់តែខ្លាំង។ដែលនោះវាជាឬសគល់នៃបញ្ហា»។
សូមបញ្ជាក់ថា លោកថាក់ស៊ីនបានរស់នៅក្រៅប្រទេសចាប់តាំងពីនិរទេសខ្លួនពីការកាត់ទោសជាប់ពន្ធនាគារដោយចោទប្រកាន់ដោយក្រុមយោធា។ សមាជិកសភាថៃកំពុងពិចារណាពីការលើកលែងទោសដ៏ធំទូលាយសម្រាប់បទល្មើសនយោបាយចាប់តាំងពីរដ្ឋប្រហារមក។
No comments:
Post a Comment
yes